ISAIAH 12 - DAÜLANGPÜ LAIHING (BSI)

Menvih Shuohpü Kesho

¹ Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

² Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

³ Mongongpai ammi yemleipü yungkukthü leipü yung shohen.

⁴ Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

⁵ Shembüpa kü menvih kesho loktuh: mehenangkü büpai müknyinshekhang douthü dükteke; hapayü kahdoknyü peü kü nyinghütuh.

⁶ Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”