HOSEA 6 - DAÜLANGPÜ LAIHING (BSI)

Israel am Men kü Mon Mong Leppü

¹ Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

² Nyih nyi nyih jem pheikü büpai jen büpa mü nyuhen leilanghen.

³ Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

⁴ Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

⁵ Hanangkü ngei ngelei thibüthü shomei am mahtükpeih. Ngelei ju kübü shah homei am jütükpeih, hatü ngelei shahphenpü awlah vangngai kei dainyüpeih.

⁶ Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

⁷ Shejao Adami keiha, jomi vangtükpü mangtük, halei jomi ngei kü hingnelem.

⁸ Gileadü shennyak teni maei, hatü jüteipai maei nyupü chingnyü khih.

⁹ Gühpathüi hanei am tappü keiha ngongpathüiyao hapakei thainyüke; Jomi Shekhem lemeiyao shennyak jünyüke.

¹⁰ Israel phang kü ngei nyembenüng dou hük eetepih, halei Ephraim ami mükbongjuyung düknyüke, hatü Israel am sheihdaiteke.

¹¹ “Oh Judah, ngei ami dükpü dou nangkü am hanghihühen hepak ittüktü nyüpeih.”