HOSEA 3 - DAÜLANGPÜ LAIHING (BSI)

Hosea-i Chenyüha Mü Mongjempü

¹ Shembüpai ngei kü, “Shao chem daituh, hatü pinnyü mih mü bamteiyei mükbongjuyung düklangmao hapa nyüha kü nüngi bamtuh. Israel am lebü kahvangthü lemei lepei hapa kü jeetükpü nyalingngupai aan kü kenlangmao, ngei jom kü bampükei bamtuh” shei e.

² Hanangkü ngei pinnyü ngin anpünga hatü barley aung dok 150 shuohtü shakpeih.

³ hatü ngei pinnyü kü, “Nüng ngei mü nyih longi nyuhen, nüng büm yupü am tevai, nevaijü lebü shennyak üpa mao tekütejemtei, hatü ngei nüng mü nyukahen” shei e.

⁴ Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

⁵ Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.