EZEKIEL 15 - DAÜLANGPÜ LAIHING (BSI)

Nyalingngupai-i Lappü

¹ Shembüpalei shah ngei touei pei:

² “Oh shennyak ha, yingnyülei nyupü lebü pükaothü mü nyalingngupai vü mekei etü meipa?

³ Hapalei vü yah-ei lebü nadang dou lingnyu hiang? Douhinang ngenei tuhhen hapa yah-ei Kahvangi phaak lingnyu hiang?

⁴ Hapa awbhaong kü shüktükpheikü hatü jung phipong kü aw bah-ei jiamü awmi leidaipheikü lemhük shingvaishiyao nadang nyüpü je?

⁵ Aw kü mangjaktükiyao meheyao nadang kü nenojü aw kü jakei awmi leidaipheikü hapa lemhük kü dangkao noteiaokhen je?”

⁶ Hanangkü Shembüpa Kahvangi hapakei enyüke: Yingnyü leipü püthü khongkü nyalingngupai vü ngei aw kü jaktükpü keiha ngei Jerusalemei nyupüthü jaktükhen.

⁷ Ngei jom khüei ngelei dhe veihen; jomi aw toueipü nyaiyei daijao, awi nedoh-i jom hahtükhen; ngei jom khüei ngelei dhe veipü eejü amphongi ngeiyü Shembüpa shei nyinghen.

⁸ Jomi hingnelempü nangkü ngei hapa kahdok lavüngtoiyei leitükhen shei Shembüpa Kahvangi enyüke.