ESTHER 10 - DAÜLANGPÜ LAIHING (BSI)

Xerxes hatü Mordekai Nyi Longpü Nang

¹ Xerxes ongpai büpalei kahmük hatü yungching yungkung kahdokthü thahshi bom thaiteke.

² Büpai dükpü longpü hatü yashanpü douthü, hatü mekei ongpai Mordekai shaopü laphen kü anshih, hathü kemei Persia hatü Media ongthülei büshah laitap kü nyangei nyüpeih.

³ Xerxes ongpa pheikü Hebrew am Mordekaiyü laphen kü nyipabü nyu, hatü Hebrew am khongkü wonghingan kohpü hatü jempü Hebrew am peüi kenpü men-e shennyak nyuteke; mehenangkü büpai laophülei nanglak meihen nangkü dou dük, hatü Hebrew am peü yanghen nangkü shah eteke.