BHEI-IE 29 - DAÜLANGPÜ LAIHING (BSI)

Vangbong Ja Mo kü Moilapü

¹ Len nyetpabü shongpü nyih kü ammi phopnüng thaituh, hatü ha nyih dou nedükhen. Hapayü am shingvaishi amit vünghen nyih nyüke.

² Mohoh chebaongha hük, mi chebaongha hük, hatü kawhikang neshiüpü bong hük lompü mi chebaong nyet yah-ei Shembüpa kü vong meipü jakpü moila shuohtuh.

³ Mohoh chebaong ieyei mü atta dok jem olive mainga mü nyethen, mi chebaongha mü atta dok nyi,

⁴ hatü mi nyet ieyei mü atta dok hük shuohtuh.

⁵ Am shingvaishi mang tükhen mang moila shuohhen yum chebaong hük shuohtuh.

⁶ Hathüyü len ieyei hatü nyihjeih shuohpü jakpü moila mü hahying hatü yiü moila kü üei shuohtuh. Hathüyü Shembüpa kü aw kü jakei shuohpü vong meipü moila nyüke.

Mang Tükpü Moila Shuohpü Nyih Moilapü

⁷ Len nyetpabü nyih anpabü kü am phopnüng thaituh. Ammi meheyao nehahneyinghen hatü dou nedükhen.

⁸ Shembüpa kü vong meipü jakpü moila mohoh chebaongha hük, mi chebaongha hük, hatü kawhikang neshiüpü bong hük lompü mi nyet shuohtuh.

⁹ Mohohbaong mü olive mainga nyettü hahying moila atta dok jem, mi chebaongha mü atta dok nyi,

¹⁰ hatü mi nyet ieyei mü atta dok hük shuohtuh.

¹¹ Am shingvaishi mang tükhen mang moila shuohhen yum chebaong hük, mang tükhen shingvaishi shuohpü mang moila, nyihjeih shuohpü jakpü moila mü hahying hatü yiü moila mü üei shuohtuh.

Ashakshem Mo

¹² Len nyetpabü nyih anpüngapabü kü phopnüng thaituh hatü hapa nyih dou tedük. Nyih nyet dou nedüki Shembüpa kü hapa mo motuh.

¹³ Shembüpa kü vong meipü jakpü moila mohoh chebaongha anpüjem, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

¹⁴ Mohoh chebaongha anpüjem ieyei mü hahying moila olive mainga mü nyettü atta dok jem, mi chebaongha nyi ieyei mü atta dok nyi,

¹⁵ hatü mi chebaongha anpüali mü atta dok hük shuohtuh.

¹⁶ Am shingvaishi mang tükhen mang moila shuohhen yum chebaong hük nyihjeih shuohpü jakpü moila, hahying moila, hatü yiü moila shuohtuh.

¹⁷ Nyih nyipabü kü mohoh chebaongha anpünyi, mi chebaongha nyi hatü kawhikang neshiüpü bong hük lompü mi chebaong anpüali shuohtuh.

¹⁸ Mohoh chebaonghathü, mi chebaonghathü hatü mi chehathü mü shongpü nyih kü shuohpükei hahying moila hatü yiü moila shuohtuh.

¹⁹ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

²⁰ Nyih jempabü kü mohoh chebaongha anpühük, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

²¹ Mohoh chebaonghathü, mi chebaonghathü hatü mi chehathü mü shongpü nyih kü shuohpükei hahying moila hatü yiü moila shuohtuh.

²² Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

²³ Nyih alipabü kü mohoh chebaongha an, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

²⁴ Mohoh chebaonghathü, mi chebaonghathü, hatü mi chehathü mü shongpü nyih kü shuohpükei hahying moila hatü yiü moila shuohtuh.

²⁵ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

²⁶ Nyih ngapabü kü mohoh chebaongha kukshü, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

²⁷ Mohoh chebaonghathü, mi chebaonghathü hatü mi chebaongthü mü shongpü nyih kü shuohpükei hahying moila hatü yiü moila shuohtuh.

²⁸ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

²⁹ Nyih vokpabü kü mohoh chebaongha shet, mi chebaongha nyi, hatü kawhikang neshiüpü bong hük lompü mi chebaong anpüali shuohtuh.

³⁰ Mohoh chebaonghathü, mi chebaonghathü hatü mi chehathü mü shongpü nyih kü shuohpükei hahying moila hatü yiü moila shuohtuh.

³¹ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

³² Nyih nyetpabü kü mohoh chebaongha nyet, mi chebaongha nyi, hatü kawhikang neshiüpü vangbong hük lompü mi chebaong anpüali shuohtuh.

³³ Mohoh chebaonghathü, mi chebaonghathü, hatü mi chebaongthü mü shongpü nyih kü shuohpükei hahying moila hatü yiü moila shuohtuh.

³⁴ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

³⁵ Nyih shetpabü kü amphong peü phopnüng thaituh hatü ha nyih dou tedük.

³⁶ Shembüpa kü aw kü jakei vong meipü jakpü moila mohoh chebaongha hük, mi chebaongha hük, hatü kawhikang neshiüpü bong hük lompü mi chebaong nyet shuohtuh.

³⁷ Mohoh chebaongha, hatü mi chebaongha hatü mi chebaongthü mü shongpü nyih kü shuohpükei hahying moila hatü yiü moila shuohtuh.

³⁸ Nyihjeih shuohpü jakpü moila, hahying moila hatü yiü moila mü üei mang moila shuohhen yum chebaong hük shuohtuh.

³⁹ Nüngi lahpü nevaijü mongongpü moila mü üei jakpü moila, hahying moila, yiü moila hatü mongjempü moila tetpü nyih kü jiüshi Shembüpa kü moilatuh.

⁴⁰ Shembüpai Mosa kü eshuohpü lemphüli büpai Israel am kü eteke.