2 KORINT 13 - DAÜLANGPÜ LAIHING (BSI)

Dohpü Shahvüng hatü Selam Shah

¹ Hapai jempabü ngei am touei peikünyeih. “Shahhidou vampü peü denpü nyi nevaijü jem homei yahhen vongbong.”

² Shelei üami mang thah, hathü kü hatü lebüthü peü kü ngei shahvüng shuohtepih, hatü ngei nyipabü thümshingkü dükpükei ngei shaang nenyujao am kü hapa shahvüng shuohnyeih, ngei shao peijema, ngei inyainyemi nechongkahen;

³ mehenangkü Khristai ngei homei enyeih shei epü ammi lekei nyinghünyüke. Am mü eteihen büpa wong nekoh-i nenyu, shejao am touei wong kohshi nyüke.

⁴ Mehenangkü wong nekohpü kü büpa shophang kü ap, shejao Kahvangei wongi büpa yemmü nyüke. Mehenangkü hamphong büpa kü wong nekoh, shejao am mü eteihen nangkü Kahvangei ngan homei ham büpa mü nyuhen.

⁵ Am hinglempü kü nyüla shei laophü nyingi yemei veituh; laophü nyingi dokei veituh. Am chemjalak kü dokpü kü neaokpü nevaipheikü am kü Jisu Khrista nyüpeih shei nedeihnyu je?

⁶ Hami neaokpü nevai shei ammi nyinghen shei ngei monglemnyeih.

⁷ Shaang ammi meheyao pungei nedükhen shingvaishi hami Kahvang kü phopnyeih. Hayü hami dokpü neütük shei nanglakthüi eehen nangkü nevai, shejao hami neaokpükei nyujao ammi mehe jiü, ha dükhen shingvaishi nyüke.

⁸ Mehenangkü hami shahhing khüei meheyao nedükaokpih, shejao shahhing shingvaishi mon dükhen.

⁹ Mechem ham wong nekoh, shejüang ham mongongnyeih, shejao ammü wong kohnyüke; hatü ha tata kü hami phoppeyü am changeishaei leihen shingvaishi nyüke.

¹⁰ Hanangkü ngei am touei nenyupü hepak kü ngei hathü dou jung nyangnyeih, shejüang mechem ngei am touei peihen, am mangtükhen nangkü nevai, shejao lingei leihen shingvaishi Shembüpai ngei kü shuohpü wong noshingkü mangshi nenohen.

Dohpü Selam hatü Phoppü

¹¹ Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

¹² Daülangpü om kü jüpteipai hüki hük mü selam shihteituh. Vaipüthü peü am kü selamja.

¹³ Shembüpa Jisu Khrista phahji, Kahvang bampü hatü Laangha Daülangpü mongjempü am peü mü nyute.