1 SHÜPPÜKENGPÜ 2 - DAÜLANGPÜ LAIHING (BSI)

Jakobei Hapeüthü; Judah am Hühihathü

¹ Hathüyü Jakobei hapeüthü nyuteke: Reuben, Simeon, Levi, Judah, Issakhar, Zebulun,

² Dan, Joseph, Benjamin, Naphtali, Gad hatü Asher.

³ Judahlei hapeüthü: Er, Onan, hatü Shelah. Hathü jom jemü Kanan am Bath-Shualei yiükha-i bühpü hapeüthü nyuteke. Judahlei hashongpa Er-ü Shembüpa touei mang thah; hanangkü Shembüpai büpa jütük.

⁴ Judahlei chehalei nyüha Tamar-i Perez hatü Zerah nyi büh. Judahlei hapeüthü peüshep jom nga nyu.

⁵ Perezlei hapeüthü: Hezron hatü Hamul.

⁶ Zerahlei hapeüthü: Zimri, Ethan, Heman, Kalkol, hatü Dara– peüshep jom nga nyu.

⁷ Karmilei hapeü: Akhar, büpai vehok hepak kü yahpü douthü Shembüpa kü lanei shuohtük pheikü joei tuhpü nangkü Israel am kü shanghah koei peipeih.

⁸ Ethanei cheha: Azariah.

David Ongpalei Bülem

⁹ Hezron kü bühjapü hapeüthü: Jerahmeel, Ram hatü Kaleb.

¹⁰ Ramü Amminadabei chepa, Amminadabü Nahshonei chepa, Judah nanglakthülei mübü.

¹¹ Nahshonü Salmonei chepa, Salmonü Boazlei chepa,

¹² Boaz-ü Obedei chepa, Obed-ü Jesselei chepa.

¹³ Jesseyü hashongpa Eliab, nyipabü Abinadab, jempabü Shimea,

¹⁴ alipabü Nethanel, ngapabü Raddai,

¹⁵ vokpabü Ozem hatü nyetpabü David hathülei chepa nyuteke.

¹⁶ Jomphongei nyahinaüthüyü Zeruiah hatü Abigail nyi nyu. Zeruiah-i bühpü yeshang jemü Abishai, Joab hatü Asahel nyu.

¹⁷ Abigail-ü Amasalei chenyü hatü chepayü Ishmael am jat Jether nyu.

Hezronei Hühihathü

¹⁸ Hezronei cheha Kalebei chenyüha Azubah-i yiükha hük meni Jerioth büh. Hathüyü pinnyü-i bühpü yeshangthü: Jesher, Shobab, hatü Ardon.

¹⁹ Azubah didaipheikü Kalebi Ephrath mü shem yem hatü pinnyüi Hur bühteke.

²⁰ Hur-ü Urilei chepa, hatü Uriyü Bezalelei chepa nyu.

²¹ Pheishi Hezroni Makirlei yiükha, Gileadei chehü mü shem yem, (büpa nyübüh vangbong pejem nyushi pinnyü mü shem yemteke) hatü pinnyüi Segub bühteke.

²² Segub-ü Jairlei chepa nyu hatü büpai Gilead kahdok kü jila hapüjem shak kü vanglem lemei nyu.

²³ Shejao Geshur hatü Aram ami Jair amei chingthü hatü Kenath kü shonpü chingthü pejem thahshi neüei hahtük. Hathüyü Gileadei chepa Makirlei hühihathü nyuteke.

²⁴ Hezron didaipheikü cheha Kalebi chepai tuhphongpü vaümnyü Ephrath mü shem yem hatü yeshang hük meni Ashhur bühteke. Büpayü Tekoa shennyakthülei pa nyuteke.

²⁵ Hezronei cheha Jerahmeelei hapeüthü: Hashongpa Ram, hapheikü Bunah, Oren, Ozem hatü Ahijah.

²⁶ Shao Jerahmeelei lebü nyüha hük meni Atarah shei nyu; pinnyü-ü Onamei chenyü nyu.

²⁷ Jerahmeelei hashongpa Ramei hapeüthü: Maaz, Jamin hatü Eker.

²⁸ Onamei hapeüthü: Shammai hatü Jada. Shammailei hapeüthü: Nadab hatü Abishur.

²⁹ Abishurlei chenyühayü Abihail nyu; pinnyüi Ahban hatü Molid nyi bühteke.

³⁰ Nadabei hapeüthü: Seled hatü Appaim. Seledü hapeü netuhphongi didai.

³¹ Appaimei hapeüthü: Ishi, Sheshanei chepa, hatü Sheshanü Ahlailei chepa nyu.

³² Shammailei chenaü Jadalei hapeüthü: Jether hatü Jonathan. Jether-ü hapeü netuhphongi didai.

³³ Jonathanei hapeüthü: Peleth hatü Zaza. Hathüyü Jerahmeelei hühihathü nyuteke.

³⁴ Sheshanei hapeüthüyü yeshang nenyu-i yiükhathü mon nyu. Büpa mü Ijip am chongphobü hük meni Jarha shei nyu.

³⁵ Büpai laophülei yiükha Jarha mü shem yemhü hatü pinnyüi Attai bühteke.

³⁶ Attaiyü Nathanei chepa, Nathanü Zabadei chepa,

³⁷ Zabadü Ephlalei chepa, Ephlal-ü Obedei chepa,

³⁸ Obed-ü Jehulei chepa, Jehuyü Azariahlei chepa,

³⁹ Azariah-ü Helezlei chepa, Helezü Eleasahlei chepa,

⁴⁰ Eleasah-ü Sismailei chepa, Sismaiyü Shallumei chepa,

⁴¹ Shallumü Jekamiahlei chepa, hatü Jekamiah-ü Elishamalei chepa nyuteke.

Kalebei Lebü Hühihathü

⁴² Jerahmeelei chenaü Kalebei hapeüthü: Hashongpa Mesha, büpayü Ziphlei chepa nyu, hatü büpayü Mareshahlei chepa hatü büpayü Hebronei chepa nyuteke.

⁴³ Hebronei hapeüthü: Korah, Tappuah, Rekem hatü Shema.

⁴⁴ Shemayü Rahamei chepa, Rahamü Jorkeamei chepa nyu. Rekemü Shammailei chepa nyu.

⁴⁵ Shammailei hapeü-ü Maon, hatü Maonü Beth-Zurlei chepa nyuteke.

⁴⁶ Kalebei yiükphü Ephah-ü Haran, Moza hatü Gazez hathülei chenyü nyu. Haranei yeshang hük Gazez shei mentü nyu.

⁴⁷ Jahdailei hapeüthü: Regem, Jotham, Geshan, Pelet, Ephah, hatü Shaaph.

⁴⁸ Kalebei yiükphü Maakahyü Sheber hatü Tirhanah nyilei chenyü nyu.

⁴⁹ Pheishi pinnyüi yeshang nyi büh: Shaaph, büpayü Madmannahlei chepa, hatü Shevayü Makbenah hatü Gibealei chepa nyu. Kalebei yiükhayü Akhsah nyuteke.

⁵⁰ Hathüyü Kalebei hühihathü: Ephrathahlei hashongpa Hurlei hapeüthü: Shobalü Kiriath-Jearimei chepa,

⁵¹ Salmayü Bethlehemei chepa, hatü Hareph-ü Beth-Gaderlei chepa nyu.

⁵² Kiriath-Jearimei chepa Shobalei hühihathü: Haroeh, Menuhothlei nyupü hükkeishing,

⁵³ hatü Kiriath-Jearim phangthü mü sheishowpü: Ithri, Puth, Shumath, hatü Mishra. Ha kübü Zorath hatü Eshtaol am phaakei vam.

⁵⁴ Salmalei hühihathü: Bethlehem, Netophath, Atroth-beth-joab, hatü Manahath am mü sheishowpü Zor am phang nyu.

⁵⁵ Tirath, Shimeath, hatü Sukath hathüyü Jabezlei nyupeih; jomü nyangpü kü longi nahpü am nyupeih. Jomü Rekhab phang mü yiükyah lashompü Hamath leipü peipü Ken am nyuteke.