ເພງ^ສັນລະເສີນ 93 - ພຣະຄຳພີສັກສິອົງພຣະຜູ້ເປັນເຈົ້າຄືກະສັດ 1 ພຣະເຈົ້າຢາເວຊົງເປັນກະສັດ ພຣະເຈົ້າຢາເວຊົງຫົ່ມດ້ວຍພຣະສະຫງ່າຣາສີແລະພະລັງ. ແຜ່ນດິນໂລກຕັ້ງຢູ່ບ່ອນເກົ່າຢ່າງໝັ້ນຄົງດີ ແລະບໍ່ສາມາດເໜັງຕີງຍ້າຍໄປມາໄດ້. 2 ພຣະບັນລັງຂອງພຣະອົງກໍຕັ້ງໝັ້ນຄົງ ກ່ອນມີເວລາເກີດຂຶ້ນພຣະອົງກໍເປັນຢູ່ແລ້ວ. 3 ຂ້າແດ່ພຣະເຈົ້າຢາເວ ມະຫາສະໝຸດເລິກກໍສົ່ງສຽງ ກ້ອງສະໜັ່ນຫວັ່ນໄຫວ. 4 ພຣະເຈົ້າຢາເວ ເປັນຜູ້ປົກຄອງອົງສູງສຸດ ຜູ້ສະຖິດຢູ່ໃນສະຫວັນ ມີອຳນາດຍິ່ງໃຫຍ່ກວ່າສຽງກຶກກ້ອງຂອງມະຫາສະໝຸດ ຊົງຣິດທານຸພາບກວ່າຄື້ນຂອງທະເລດ້ວຍ. 5 ຂ້າແດ່ພຣະເຈົ້າຢາເວ ກົດບັນຍັດຂອງພຣະອົງກໍແນ່ນອນແທ້ຈິງ ວິຫານຂອງພຣະອົງກໍບໍຣິສຸດຕະຫລອດໄປເປັນນິດ. |
@ 2012 United Bible Societies. All Rights Reserved.