ເພງ^ສັນລະເສີນ 82 - ພຣະຄຳພີສັກສິຜູ້ປົກຄອງສູງສຸດຂອງມະນຸດຄືພຣະເຈົ້າ 1 ພຣະເຈົ້າຊົງປົກຄອງ ໃນສະພາແຫ່ງສະຫວັນນັ້ນ ພຣະອົງພິພາກສາໃນທ່າມກາງບັນດາພະທັງຫຼາຍວ່າ, 2 “ພວກທ່ານຕ້ອງຢຸດຕິການຕັດສິນອັນບໍ່ຍຸດຕິທຳ ແລະຕ້ອງເຊົາເປັນພັກພວກຂອງຄົນຊົ່ວຮ້າຍ 3 ຈົ່ງປ້ອງກັນສິດທິຄົນທຸກຈົນແລະລູກກຳພ້າທັງຫລາຍ ຈົ່ງສຸພາບແກ່ຄົນຂັດສົນແລະຂາດທີ່ເພິ່ງ. 4 ຈົ່ງຊ່ວຍກູ້ເອົາຄົນອ່ອນແຮງແລະຄົນຍາກຈົນໃຫ້ພົ້ນ ຈາກອຳນາດຂອງບັນດາຄົນຊົ່ວຮ້າຍ. 5 ພວກເຈົ້າໂງ່ຈ້າ ແລະບໍ່ຮູ້ຈັກຫຍັງ ທັງຍ່າງໄປມາໃນຄວາມມືດ ແລະຄວາມຍຸດຕິທຳໄດ້ສູນເສຍໄປຈາກໂລກນີ້. 6 ເຮົາກ່າວວ່າ, ‘ພວກເຈົ້າຄືບັນດາພະທັງຫຼາຍ ເປັນພວກລູກຊາຍອົງສູງສຸດທັງໝົດ.’ 7 ແຕ່ພວກເຈົ້າພັດເປັນດັ່ງມະນຸດທຳມະດາ ແລະຈະສິ້ນຊີວາລົງດັ່ງເຈົ້າຊາຍຄົນໜຶ່ງ.” 8 ຂ້າແດ່ພຣະເຈົ້າ ຂໍຈົ່ງສະເດັດມາປົກຄອງໂລກນີ້ ເພາະຊົນຊາດທັງໝົດເປັນຂອງພຣະອົງ. |
@ 2012 United Bible Societies. All Rights Reserved.