ເພງ^ສັນລະເສີນ 67 - ພຣະຄຳພີສັກສິບົດເພງແຫ່ງການໂມທະນາຂອບພຣະຄຸນ 1 ຂໍພຣະເຈົ້າຊົງໂຜດອີດູແລະອວຍພອນພວກຂ້ານ້ອຍດ້ວຍ ໂຜດແນມເບິ່ງພວກຂ້ານ້ອຍດ້ວຍຄວາມເມດຕາແດ່ທ້ອນ 2 ເພື່ອທົ່ວທັງໂລກນີ້ຈະຮູ້ຈັກພຣະປະສົງ ມະນຸດຊາດຈະຮູ້ວ່າພຣະອົງຊ່ວຍໃຫ້ພົ້ນໄດ້. 3 ຂ້າແດ່ພຣະເຈົ້າ ຂໍໃຫ້ປະຊາຊາດຍ້ອງຍໍສັນລະເສີນພຣະອົງ ຂໍໃຫ້ທຸກຊາດທຸກພາສາຍ້ອງຍໍສັນລະເສີນພຣະອົງເທີ້ນ. 4 ຂໍໃຫ້ຊົນຊາດຕ່າງໆ ຊົມຊື່ນແລະຍິນດີ ຮ່ວມກັນຮ້ອງເພງຢ່າງເບີກບານເຖີດ ເພາະພຣະອົງຕັດສິນບັນດາຊົນຊາດຢ່າງຍຸດຕິທຳ ແລະນຳພາແຕ່ລະຊົນຊາດເທິງແຜ່ນດິນໂລກນີ້. 5 ຂ້າແດ່ພຣະເຈົ້າ ຂໍໃຫ້ປະຊາຊາດຍ້ອງຍໍສັນລະເສີນພຣະອົງ ຂໍໃຫ້ທຸກຊາດທຸກພາສາຍ້ອງຍໍສັນລະເສີນພຣະອົງເທີ້ນ. 6 ທີ່ດິນເກີດຜົນລະປູກໃຫ້ໄດ້ເກັບກ່ຽວ, ພຣະເຈົ້າ, ພຣະເຈົ້າຂອງພວກເຮົາໄດ້ອວຍພຣະພອນແກ່ພວກເຮົາ. 7 ພຣະເຈົ້າໄດ້ອວຍພອນແກ່ພວກເຮົາ ຂໍໃຫ້ປະຊາຊົນທັງໝົດທີ່ສຸດປາຍແຜ່ນດິນໂລກ ຈົ່ງຖວາຍພຣະກຽດແດ່ພຣະອົງ. |
@ 2012 United Bible Societies. All Rights Reserved.