ເພງ^ສັນລະເສີນ 136 - ພຣະຄຳພີສັກສິບົດເພງແຫ່ງການໂມທະນາຂອບພຣະຄຸນ 1 ຈົ່ງໂມທະນາຂອບພຣະຄຸນພຣະເຈົ້າຢາເວ ເພາະພຣະອົງຊົງຄຸນຄວາມດີ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 2 ຈົ່ງໂມທະນາຂອບພຣະຄຸນພຣະເຈົ້າອົງຍິ່ງໃຫຍ່ເໜືອພະທັງຫລາຍ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 3 ຈົ່ງໂມທະນາຂອບພຣະຄຸນອົງພຣະຜູ້ເປັນເຈົ້າ ອົງເໜືອເຈົ້ານາຍທັງຫລາຍ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 4 ພຣະອົງເທົ່ານັ້ນທີ່ເຮັດການອັດສະຈັນອັນຍິ່ງໃຫຍ່ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 5 ພຣະອົງໄດ້ສ້າງຈັກກະວານດ້ວຍພຣະສະຕິປັນຍາ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 6 ພຣະອົງໄດ້ສ້າງແຜ່ນດິນໂລກເໜືອນໍ້າເລິກທັງຫລາຍ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 7 ພຣະອົງໄດ້ສ້າງດວງສະຫວ່າງທັງຫລາຍ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 8 ພຣະອົງໃຫ້ດວງອາທິດປົກຄອງໃນຕອນກາງເວັນ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 9 ເດືອນແລະດາວທັງຫລາຍປົກຄອງໃນຕອນກາງຄືນ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 10 ພຣະອົງໄດ້ຂ້າພວກລູກຊາຍກົກຂອງຊາວເອຢິບ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 11 ພຣະອົງໄດ້ນຳຄົນອິດສະຣາເອນອອກຈາກປະເທດເອຢິບ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 12 ດ້ວຍມືອັນຊົງຣິດແລະແຂນທີ່ຊົງຣິດອຳນາດຂອງພຣະອົງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 13 ພຣະອົງໄດ້ແຍກທະເລແດງອອກຈາກກັນໃຫ້ເປັນທາງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 14 ພຣະອົງໄດ້ນຳຄົນຂອງພຣະອົງຜ່ານທະເລແດງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 15 ແຕ່ໄດ້ໃຫ້ກະສັດກັບກອງທັບເອຢິບຈົມນໍ້າ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 16 ພຣະອົງໄດ້ນຳປະຊາຊົນຂອງພຣະອົງຜ່ານຖິ່ນແຫ້ງແລ້ງກັນດານ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 17 ພຣະອົງໄດ້ຂ້າກະສັດທັງຫລາຍຜູ້ມີອຳນາດ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 18 ພຣະອົງໄດ້ຂ້າກະສັດທັງຫລາຍຜູ້ມີຊື່ສຽງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 19 ຄືເຈົ້າສີໂຫນຜູ້ທີ່ເປັນກະສັດຂອງຊາວອາໂມ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 20 ແລະເຈົ້າໂອກຜູ້ທີ່ເປັນກະສັດຂອງຊາວບາຊານ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 21 ພຣະອົງປະທານດິນແດນຂອງພວກເຂົາໃຫ້ແກ່ໄພ່ພົນຂອງພຣະອົງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 22 ພຣະອົງປະທານດິນແດນແກ່ອິດສະຣາເອນຜູ້ຮັບໃຊ້ຂອງພຣະອົງ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 23 ເມື່ອພວກເຮົາປະລາໄຊ ພຣະອົງບໍ່ໄດ້ລືມໄລພວກເຮົາ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 24 ພຣະອົງໄດ້ປົດປ່ອຍພວກເຮົາໃຫ້ພົ້ນຈາກເຫຼົ່າສັດຕູ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 25 ພຣະອົງປະທານອາຫານໃຫ້ທຸກສິ່ງທີ່ມີຊີວິດຢູ່ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. 26 ຈົ່ງໂມທະນາຂອບພຣະຄຸນພຣະເຈົ້າແຫ່ງສະຫວັນ ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ. |
@ 2012 United Bible Societies. All Rights Reserved.