ເພງ^ສັນລະເສີນ 131 - ພຣະຄຳພີສັກສິຄຳພາວັນນາອະທິຖານຂອງຜູ້ທີ່ຖ່ອມຕົວ 1 ຂ້າແດ່ພຣະເຈົ້າຢາເວ ຂ້ານ້ອຍເຊົາອວດດີອວດເດັ່ນແລ້ວ ແລະຫັນໜີຈາກຄວາມຂີ້ອົ່ງຈອງຫອງດ້ວຍ. ຂ້ານ້ອຍບໍ່ຫ່ວງໃນຄວາມເປັນໃຫຍ່ເປັນໂຕ ຫລືໃນເລື່ອງໃດໆທີ່ເກີນກຳລັງປັນຍານັ້ນ. 2 ແຕ່ຂ້ານ້ອຍມີຄວາມພໍໃຈແລະສັນຕິສຸກ ດັ່ງເດັກນ້ອຍທີ່ນອນຫລັບສະບາຍຫາຍຮ້ອນ ໃນອ້ອມກອດມານດາຜູ້ເປັນແມ່ ດັ່ງນັ້ນ ຂ້ານ້ອຍຈຶ່ງ ສະຫງົບງຽບຢູ່ໃນຈິດໃຈ. 3 ອິດສະຣາເອນເອີຍ ຈົ່ງຫວັງໃຈໃນພຣະເຈົ້າຢາເວ ແຕ່ບັດນີ້ແລະສືບໆໄປເປັນນິດ. |
@ 2012 United Bible Societies. All Rights Reserved.