ເພງ^ສັນລະເສີນ 128 - ພຣະຄຳພີສັກສິພຣະພອນສຳລັບຜູ້ທີ່ຢຳເກງພຣະເຈົ້າ 1 ຄວາມສຸກເປັນຂອງທຸກຄົນຜູ້ທີ່ຢ້ານຢຳພຣະເຈົ້າຢາເວ ຄືຜູ້ທີ່ໃຊ້ຊີວິດເຮັດຕາມກົດບັນຍັດຂອງພຣະອົງ. 2 ເຈົ້າຈະທຳມາຫາກິນດ້ວຍເຫື່ອແຮງຂອງເຈົ້າ ເຈົ້າຈະມີຄວາມສຸກແລະມີຄວາມຈະເລີນຂຶ້ນ. 3 ເມຍເຈົ້ານັ້ນຈະເປັນດັ່ງຕົ້ນອະງຸ່ນພັນດີ ທີ່ມີໝາກດົກງາມໃນບ້ານເຮືອນຂອງເຈົ້າ ແລະພວກລູກຊາຍທີ່ນັ່ງຢູ່ອ້ອມຂ້າງອ້ອມແອວ ກໍເປັນດັ່ງແຖວຕົ້ນກອກເທດໜຸ່ມຢູ່ອ້ອມຮອບເຈົ້າ. 4 ດັ່ງນີ້ແຫລະ ຄົນທີ່ຢຳເກງພຣະເຈົ້າຢາເວ ຈະໄດ້ຮັບພຣະພອນ. 5 ຂໍໃຫ້ພຣະເຈົ້າຢາເວອວຍພອນເຈົ້າຈາກພູເຂົາຊີໂອນ ຂໍໃຫ້ເຈົ້າເຫັນຄວາມຈະເລີນຮຸ່ງເຮືອງ ຂອງນະຄອນເຢຣູຊາເລັມຕະຫລອດຊີວິດຂອງເຈົ້າ. 6 ຂໍໃຫ້ເຈົ້າມີຊີວິດຢູ່ຢ່າງຍືນຍາວ ຈົນໄດ້ເຫັນລູກຫລານເຫຼັນຫລ້ອນ ຂໍໃຫ້ສັນຕິສຸກຈົ່ງມີແກ່ຊາດອິດສະຣາເອນເທີ້ນ. |
@ 2012 United Bible Societies. All Rights Reserved.