ເພງ^ສັນລະເສີນ 125 - ພຣະຄຳພີສັກສິຜູ້ທີ່ເຊື່ອໝັ້ນກໍມີຄວາມປອດໄພ 1 ຜູ້ທີ່ໄວ້ວາງໃຈໃນພຣະເຈົ້າຢາເວ ກໍເປັນດັ່ງພູເຂົາຊີໂອນ ທີ່ບໍ່ມີຫຍັງເຮັດໃຫ້ສະເທືອນ ແລະເຄື່ອນຍ້າຍໄດ້. 2 ເມື່ອພູຕ່າງໆໄດ້ອ້ອມນະຄອນເຢຣູຊາເລັມໄວ້ສັນໃດ ພຣະເຈົ້າຢາເວກໍອ້ອມຮອບປະຊາຊົນຂອງພຣະອົງໄວ້ສັນນັ້ນ. 3 ຄົນຊົ່ວຈະບໍ່ປົກຄອງດິນແດນຄົນຊອບທຳເລື້ອຍໄປ ຖ້າເປັນດັ່ງນັ້ນ ຄົນຊອບທຳກໍອາດຈະຍື່ນມືກະທຳຊົ່ວຄືກັນ. 4 ຂ້າແດ່ພຣະເຈົ້າຢາເວ ຂໍຊົງໂຜດເຮັດດີຕໍ່ຜູ້ທີ່ເຮັດດີດ້ວຍ ຄືຜູ້ທີ່ເຊື່ອຟັງຂໍ້ຄຳສັ່ງຂອງພຣະອົງ, 5 ແຕ່ບັນດາຜູ້ທີ່ດຳເນີນຕາມທາງຄົດຂອງເຂົາ ພຣະເຈົ້າຢາເວກໍຈະຊົງລົງໂທດເຂົາ ພ້ອມກັບການກະທຳຊົ່ວຂອງເຂົາເອງ. ຂໍໃຫ້ຊົນຊາດອິດສະຣາເອນ ຈົ່ງມີແຕ່ຄວາມສຸກເທີ້ນ. |
@ 2012 United Bible Societies. All Rights Reserved.