ເພງ^ສັນລະເສີນ 124 - ພຣະຄຳພີສັກສິສັນລະເສີນເພາະໄຊຊະນະເໜືອສັດຕູ 1 ຈະເປັນຢ່າງໃດ ເມື່ອອົງພຣະຜູ້ເປັນເຈົ້າ ບໍ່ຢູ່ຝ່າຍພວກເຮົາ? ໂອ ຊາດອິດສະຣາເອນເອີຍ ຈົ່ງຕອບມາເບິ່ງ! 2 ຖ້າພຣະເຈົ້າຢາເວບໍ່ຢູ່ຝ່າຍພວກເຮົາ ເມື່ອເຫຼົ່າສັດຕູໄດ້ບຸກເຂົ້າມາໂຈມຕີນັ້ນ. 3 ພວກເຂົາກໍຈະກືນກິນພວກເຮົາທັງເປັນຈົນໝົດກ້ຽງ ເພາະຄວາມຄຽດແຄ້ນໃຫຍ່ຕໍ່ສູ້ພວກເຮົານັ້ນ. 4 ແລ້ວກະແສນໍ້າຖ້ວມກໍຈະພັດພວກເຮົາໄປ ນໍ້າຈະໄຫລມາຖ້ວມພວກເຮົາ 5 ທັງກະແສຄື້ນນໍ້າອັນຮ້າຍແຮງ ກໍຈະພັດເອົາພວກເຮົາຈົມລົງໄປໃນນໍ້າ. 6 ຈົ່ງໂມທະນາຂອບພຣະຄຸນພຣະເຈົ້າຢາເວ ທີ່ພຣະອົງບໍ່ໃຫ້ສັດຕູທຳລາຍພວກເຮົາໄດ້. 7 ພວກເຮົາໜີໄປໄດ້ດັ່ງນົກໜີຈາກແຮ້ວນາຍພານ. ແຮ້ວຂາດໄປແລະພວກເຮົາກໍເປັນອິດສະຫລະ 8 ຄວາມຊ່ວຍເຫຼືອຂອງພວກເຮົານັ້ນ ມາຈາກພຣະນາມຂອງພຣະເຈົ້າຢາເວ ອົງຊົງສ້າງສະຫວັນແລະແຜ່ນດິນໂລກ. |
@ 2012 United Bible Societies. All Rights Reserved.