ເພງ^ສັນລະເສີນ 123 - ພຣະຄຳພີສັກສິຄຳພາວັນນາອະທິຖານຂໍຄວາມເມດຕາ 1 ຂ້ານ້ອຍແຫງນໜ້າແນມຫາພຣະອົງ ຂ້ານ້ອຍແຫງນສູ່ຟ້າສະຫວັນ ບ່ອນທີ່ພຣະອົງປົກຄອງຢູ່ນັ້ນ. 2 ດັ່ງຄົນຮັບໃຊ້ຜູ້ໜຶ່ງເພິ່ງພາອາໄສນາຍຂອງຕົນ ດັ່ງສາວໃຊ້ຜູ້ໜຶ່ງເພິ່ງອີງນາຍຍິງຂອງຕົນນັ້ນ. ຂ້າແດ່ພຣະເຈົ້າຢາເວ ພຣະເຈົ້າຂອງພວກຂ້ານ້ອຍເອີຍ ຈະແນມຫາຈົນພຣະເມດຕາມາຮອດ. 3 ຂ້າແດ່ພຣະເຈົ້າຢາເວ ຂໍຊົງໂຜດເມດຕາພວກຂ້ານ້ອຍແດ່ທ້ອນ ເພາະພວກຂ້ານ້ອຍນັ້ນຖືກຫຍໍ້ຫຍັນຢ່າງໜັກ. 4 ດົນນານແລ້ວທີ່ຖືກເຍາະເຍີ້ຍຈາກຄົນຮັ່ງມີ ແລະຖືກດູໝິ່ນຈາກຄົນກົດຂີ່ທີ່ຈອງຫອງດ້ວຍ. |
@ 2012 United Bible Societies. All Rights Reserved.