ເພງ^ສັນລະເສີນ 120 - ພຣະຄຳພີສັກສິຄຳພາວັນນາອະທິຖານຂໍຄວາມຊ່ວຍເຫລືອຈາກການຫລອກລວງ 1 ເມື່ອຂ້ານ້ອຍເດືອດຮ້ອນ ຂ້ານ້ອຍກໍໄຫວ້ວອນຫາພຣະເຈົ້າຢາເວໃຫ້ຊ່ວຍເຫຼືອ ແລະພຣະອົງກໍຊົງຕອບຂ້ານ້ອຍ. 2 ຂ້າແດ່ພຣະເຈົ້າຢາເວ ຂໍຊົງໂຜດຊ່ວຍຂ້ານ້ອຍໃຫ້ພົ້ນ ຈາກຄົນຂີ້ຕົວະ ແລະຄົນຫລອກລວງດ້ວຍ. 3 ພວກຄົນຂີ້ຕົວະເອີຍ ພວກເຈົ້າສະສົມອັນໃດໄວ້ແກ່ຕົນແດ່? ພຣະອົງຈະລົງໂທດພວກເຈົ້າຢ່າງໃດຮູ້ບໍ່? 4 ກໍດ້ວຍລູກໜ້າທະນູອັນແຫລມຄົມຂອງນັກຮົບ ແລະຖ່ານໄຟແດງໄໝ້ເຜົາຜານແນ່ນອນ. 5 ການອາໄສຢູ່ທ່າມກາງພວກເຈົ້າກໍຊົ່ວເທົ່າກັບຢູ່ນຳ ຊາວເມເຊັກຫລືນຳປະຊາຊົນແຫ່ງເກດານັ້ນ. 6 ຂ້ານ້ອຍໄດ້ອາໄສຢູ່ ນຳປະຊາຊົນທີ່ກຽດຊັງສັນຕິສຸກ, 7 ເມື່ອເອີ່ຍປາກເວົ້າເຖິງຄວາມສະຫງົບສຸກ ພວກເຂົາກໍເອີ່ຍວາຈາເຖິງເສິກສົງຄາມທັນທີ. |
@ 2012 United Bible Societies. All Rights Reserved.