ເພງ^ສັນລະເສີນ 114 - ພຣະຄຳພີສັກສິບົດເພງແຫ່ງການຊ່ວຍກູ້ 1 ເມື່ອປະຊາຊົນອິດສະຣາເອນອອກ ມາຈາກເອຢິບ ເມື່ອເຊື້ອສາຍຢາໂຄບ ອອກໜີຈາກດິນແດນຄົນຕ່າງຊາດ. 2 ເຜົ່າຢູດາກາຍເປັນປະຊາຊົນຂອງພຣະເຈົ້າອົງບໍຣິສຸດ ອິດສະຣາເອນກາຍເປັນກຳມະສິດຂອງພຣະເຈົ້າ. 3 ທະເລແດງໄດ້ຫລຽວເບິ່ງ ແລະປົບໜີໄປ ແມ່ນໍ້າຈໍແດນໄດ້ຢຸດໄຫລແລ້ວກໍໄຫລຄືນມາອີກ. 4 ໜ່ວຍພູກະໂດດເຕັ້ນດັ່ງຝູງແບ້ເຖິກ ແລະພູນ້ອຍກໍເຕັ້ນຂຶ້ນລົງດັ່ງແກະນ້ອຍ. 5 ມີຫຍັງນໍທີ່ເກີດຂຶ້ນ ໂອ ເຈົ້າທະເລເອີຍ ຈຶ່ງເຮັດໃຫ້ເຈົ້າປົບໜີເປີດໄປຢ່າງນັ້ນ? ໂອ ແມ່ນໍ້າຈໍແດນເອີຍ ເຈົ້າເດເປັນຈັ່ງໃດ? ເປັນຫຍັງຈຶ່ງຢຸດໄຫລແລະໄຫລຄືນມາອີກ? 6 ພູເຂົາເອີຍ ເປັນຫຍັງຈຶ່ງເຕັ້ນດັ່ງຝູງແບ້ເຖິກ? ພູນ້ອຍເອີຍ ເປັນຫຍັງຈຶ່ງເຕັ້ນດັ່ງແກະນ້ອຍ? 7 ແຜ່ນດິນໂລກເອີຍ ຈົ່ງສັ່ນສະເທືອນຕໍ່ໜ້າພຣະເຈົ້າຢາເວ, ຢູ່ຕໍ່ໜ້າພຣະເຈົ້າຂອງຢາໂຄບ. 8 ຜູ້ຊົງປ່ຽນໂງ່ນຫີນໃຫ້ກາຍເປັນສະທີ່ມີນໍ້າອອກບໍ່ ແລະປ່ຽນເນີນຜາໃຫ້ເປັນບໍ່ນໍ້າພຸໄຫລອອກມາ. |
@ 2012 United Bible Societies. All Rights Reserved.