ເພງ^ສັນລະເສີນ 110 - ພຣະຄຳພີສັກສິອົງພຣະຜູ້ເປັນເຈົ້າແລະກະສັດທີ່ຊົງເລືອກ 1 ພຣະເຈົ້າຢາເວກ່າວແກ່ອົງພຣະຜູ້ເປັນເຈົ້າຂອງຂ້ານ້ອຍ ວ່າ, “ຈົ່ງນັ່ງທີ່ກໍ້າຂວາມືຂອງເຮົາ ຈົນກວ່າເຮົາໄດ້ມອບເຫຼົ່າສັດຕູ ໃຫ້ກົ້ມລົງຢູ່ໃຕ້ຕີນຂອງເຈົ້າ.” 2 ຈາກພູເຂົາຊີໂອນ, ພຣະອົງຈະແຜ່ອຳນາດແຫ່ງກະສັດ ໂດຍກ່າວວ່າ, “ຈົ່ງປົກຄອງສັດຕູຂອງເຈົ້າ.” 3 ໃນວັນທີ່ເຈົ້າຕໍ່ສູ້ເຫຼົ່າສັດຕູໝູ່ມານ ປະຊາຊົນຈະຂານອາສາເຂົ້າຮັບໃຊ້ເຈົ້າ. ຊາຍໜຸ່ມຈະມາຫາເຈົ້າທີ່ເນີນພູສັກສິດ ດັ່ງນໍ້າຄ້າງຢອດລົງໃນຍາມເຊົ້າຕູ່. 4 ພຣະເຈົ້າຢາເວສັນຍາໄວ້ຢ່າງເດັດດ່ຽວ ພຣະອົງຈະບໍ່ຄືນຄຳເປັນຈັກເທື່ອ ຄືວ່າ, “ເຈົ້າຈະໄດ້ເປັນປະໂຣຫິດສືບໆໄປ ຕາມແບບດຽວກັນກັບເມຄີເຊເດັກ.” 5 ອົງພຣະຜູ້ເປັນເຈົ້າຢູ່ທີ່ກໍ້າຂວາມືຂອງທ່ານໃດ ບັນດາກະສັດຈະເສຍໄຊ ເມື່ອພຣະອົງໃຈຮ້າຍ. 6 ພຣະອົງຈະພິພາກສາລົງໂທດຊົນຊາດທັງຫລາຍ ແລະເຮັດໃຫ້ຊາກສົບຢາຍຢູ່ເຕັມສະໜາມຮົບ. ພຣະອົງຈະທຳລາຍພວກກະສັດໃຫ້ໝຸ່ນທະລາຍໄປ ຕາຍຢຽດຢາຍກັນຢູ່ເຕັມແຜ່ນດິນໂລກ. 7 ກະສັດຈະດື່ມນໍ້າໃນຫ້ວຍທີ່ໄຫລຜ່ານໃກ້ຫົນທາງ ແລ້ວຈະມີກຳລັງວັງຊາຢືນຢ່າງມີໄຊໄດ້. |
@ 2012 United Bible Societies. All Rights Reserved.