ເພງ^ສັນລະເສີນ 11 - ພຣະຄຳພີສັກສິບົດເພງແຫ່ງຄວາມໄວ້ວາງໃຈໃນອົງພຣະຜູ້ເປັນເຈົ້າ 1 ຂ້ານ້ອຍໄວ້ວາງໃຈໃນພຣະເຈົ້າຢາເວ ເພື່ອຄວາມປອດໄພ ເຫດໃດໜໍຈຶ່ງເວົ້າໃຫ້ຂ້ອຍວ່າ, “ຈົ່ງໜີໄປລີ້ທີ່ພູເຂົາເໝືອນດັ່ງນົກ 2 ເພາະຄົນຊົ່ວຮ້າຍໄດ້ກົ່ງໜ້າທະນູແລະຍິງລູກສອນໄປໃສ່ ຄົນຊອບທຳຈາກບ່ອນມືດ. 3 ເມື່ອຮາກຖານໄດ້ຖືກທຳລາຍລົງແລ້ວ ຄົນດີສາມາດເຮັດຫຍັງໄດ້ແດ່?” 4 ພຣະເຈົ້າຢາເວຢູ່ໃນພຣະວິຫານອັນສັກສິດຂອງພຣະອົງ ພຣະເຈົ້າຢາເວປະທັບເທິງພຣະບັນລັງ ຢູ່ໃນສະຫວັນ ພຣະອົງເຝົ້າເບິ່ງມະນຸດທຸກແຫ່ງທຸກຫົນ ແລະທັງຮູ້ວ່າຄົນກຳລັງເຮັດຫຍັງຢູ່ດ້ວຍ. 5 ພຣະເຈົ້າຢາເວກວດກາເບິ່ງຄົນຊອບທຳ ແລະຄົນຊົ່ວເໝືອນກັນ ພຣະອົງກຽດຊັງຄົນທິ່ເຮັດການໂຫດຮ້າຍ. 6 ພຣະອົງສົ່ງຖ່ານໄຟ ແລະມາດທີ່ລຸກໄໝ້ຢູ່ ລົງມາສູ່ຄົນຊົ່ວຮ້າຍທັງຫລາຍ ພຣະອົງໄດ້ລົງໂທດພວກເຂົາ ໂດຍສົ່ງລົມຮ້ອນມາເຜົາໄໝ້. 7 ພຣະເຈົ້າຢາເວເຮັດຖືກຕ້ອງແລະຮັກການກະທຳດີ ຜູ້ທີ່ເຮັດຢ່າງນີ້ກໍຈະອາໄສຢູ່ຊ້ອງໜ້າພຣະອົງໄດ້. |
@ 2012 United Bible Societies. All Rights Reserved.