ເພງ^ສັນລະເສີນ 100 - ພຣະຄຳພີສັກສິບົດເພງແຫ່ງຄຳຍ້ອງຍໍສັນລະເສີນ 1 ທົ່ວທັງໂລກເອີຍ ຈົ່ງຮ້ອງເພງຖວາຍ ຄຳສັນລະເສີນແດ່ພຣະເຈົ້າຢາເວ. 2 ຈົ່ງນະມັດສະການພຣະເຈົ້າຢາເວຢ່າງຊົມຊື່ນຍິນດີ ມາຮ້ອງເພງອັນມ່ວນຊື່ນຢູ່ຊ້ອງໜ້າພຣະອົງ. 3 ຈົ່ງຮູ້ຈັກວ່າພຣະເຈົ້າຢາເວຄືພຣະເຈົ້າຜູ້ສ້າງພວກເຮົາ ພວກເຮົາເປັນໄພ່ພົນແລະຝູງແກະຂອງພຣະອົງ. 4 ຈົ່ງເຂົ້າໄປປະຕູພຣະວິຫານ ດ້ວຍຈິດໃຈໂມທະນາຂອບພຣະຄຸນ ຈົ່ງເຂົ້າໄປໃນເດີ່ນພຣະວິຫານ ດ້ວຍການຍ້ອງຍໍສັນລະເສີນ. ຈົ່ງຖວາຍຄຳໂມທະນາຂອບພຣະຄຸນ ແລະຍ້ອງຍໍສັນລະເສີນພຣະນາມຂອງພຣະອົງເຖີດ. 5 ພຣະເຈົ້າຢາເວຊົງຄຸນຄວາມດີ ແລະຄວາມຮັກ ແລະຄວາມສັດຊື່ຂອງພຣະອົງ ກໍດຳລົງຢູ່ສືບໄປເປັນນິດ. |
@ 2012 United Bible Societies. All Rights Reserved.