ເນເຫມີຢາ 11 - ພຣະຄຳພີສັກສິປະຊາຊົນທີ່ອາໄສຢູ່ໃນນະຄອນເຢຣູຊາເລັມ 1 ພວກຜູ້ນຳໄດ້ຕັ້ງຖິ່ນຖານຢູ່ໃນນະຄອນເຢຣູຊາເລັມ ສ່ວນປະຊາຊົນທີ່ເຫຼືອນັ້ນພາກັນໃຊ້ສະຫລາກ ເພື່ອເລືອກເອົາຄອບຄົວໜຶ່ງໃນແຕ່ລະສິບຄອບຄົວໄປຢູ່ໃນນະຄອນເຢຣູຊາເລັມ ເມືອງສັກສິດ; ສ່ວນເກົ້າຄອບຄົວນັ້ນ ຕ້ອງໄປອາໄສຢູ່ໃນເມືອງໃຫຍ່ແລະເມືອງນ້ອຍອື່ນໆ. 2 ປະຊາຊົນໄດ້ຍ້ອງຍໍຜູ້ທີ່ອາສາສະໝັກເຂົ້າໄປຢູ່ໃນນະຄອນເຢຣູຊາເລັມ. 3 ທັງໝົດນີ້ ແມ່ນບັນດາຜູ້ນຳຂອງປະຊາຊົນ ທີ່ໄດ້ອາໄສຢູ່ໃນນະຄອນເຢຣູຊາເລັມ, ສ່ວນຄົນອື່ນໆໄດ້ໄປອາໄສຕາມເມືອງນ້ອຍ ເມືອງໃຫຍ່ ຊຶ່ງມີລາຍຊື່ຕໍ່ໄປນີ້: ບັນດາປະໂຣຫິດຊາວເລວີ, ຜູ້ຮັບໃຊ້ໃນພຣະວິຫານ ແລະເຊື້ອສາຍຂອງຜູ້ຮັບໃຊ້ຂອງກະສັດໂຊໂລໂມນ ກໍໄດ້ອາໄສຢູ່ໃນເມືອງ ທີ່ເປັນສົມບັດຂອງພວກເຂົາ. ບັນຊີລາຍຊື່ຂອງປະຊາຊົນຊັ້ນຜູ້ນຳຂອງຢູດາ ທີ່ໄດ້ມາຢູ່ໃນນະຄອນເຢຣູຊາເລັມ ມີດັ່ງນີ້: 4 ບັນດາສະມາຊິກຂອງເຜົ່າຢູດາ: ອາທາອີຢາລູກຊາຍຂອງອຸດຊີຢາ ແລະຫລານຊາຍຂອງເຊກາຣີຢາ. ບັນພະບຸລຸດຄົນອື່ນຂອງລາວມີດັ່ງນີ້: ອາມາຣີຢາ, ເຊຟາຕີຢາ ແລະມະຫາລາເລນ ເຊື້ອສາຍຂອງເປເຣັດ ຜູ້ທີ່ເປັນລູກຊາຍຂອງຢູດາ. 5 ມາອາເສອີຢາລູກຊາຍຂອງບາຣຸກ ແລະຫລານຊາຍຂອງກົນໂຮເຊ. ບັນພະບຸລຸດຄົນອື່ນໆຂອງລາວມີດັ່ງນີ້: ຮາຊາອີຢາ, ອາດາອີຢາ, ໂຢອີອາຣິບ ແລະເຊກາຣີຢາ ເຊື້ອສາຍຂອງເຊລາຜູ້ທີ່ເປັນລູກຊາຍຂອງຢູດາ. 6 ຈາກເຊື້ອສາຍຂອງເປເຣັດມີຜູ້ຊາຍທີ່ເກັ່ງກ້າ 468 ຄົນ ທີ່ອາໄສຢູ່ໃນນະຄອນເຢຣູຊາເລັມ. 7 ບັນດາສະມາຊິກຈາກເຜົ່າຂອງເບັນຢາມິນ: ສານລູລູກຊາຍຂອງເມຊຸນລຳ ແລະຫລານຊາຍຂອງໂຢເອັດ. ບັນພະບຸລຸດຄົນອື່ນໆຂອງລາວມີດັ່ງນີ້: ເປດາອີຢາ, ໂກລາອີຢາ, ມາອາເສອີຢາ, ອີທິເອນ ແລະເຢຊາອີຢາ. 8 ກັບໄບ ແລະ ສານໄລ ເປັນພີ່ນ້ອງຜູ້ໃກ້ຊິດ ຂອງສານລູ. ມີຜູ້ຊາຍຊາວເບັນຢາມິນທັງໝົດ 928 ຄົນ ທີ່ອາໄສຢູ່ໃນນະຄອນເຢຣູຊາເລັມ. 9 ໂຢເອນລູກຊາຍຂອງຊີກະຣີ ເປັນຜູ້ນຳຂອງພວກເຂົາ ແລະຢູດາລູກຊາຍຂອງຮັດເສນູຢາ ເປັນຮອງຜູ້ປົກຄອງເມືອງ. 10 ບັນດາປະໂຣຫິດ: ເຢດາອີຢາລູກຊາຍຂອງໂຢອີອາຣິບ ແລະຢາກິນ. 11 ເສຣາອີຢາລູກຊາຍຂອງຮິນກີຢາ ແລະຫລານຊາຍຂອງເມຊຸນລຳ. ບັນພະບຸລຸດຂອງລາວມີດັ່ງນີ້: ຊາດົກ, ເມຣາອີຢົດ ແລະອາຮີຕຸບທີ່ເປັນຜູ້ຄວບຄຸມປະຈຳວິຫານຂອງພຣະເຈົ້າ. 12 ສະມາຊິກທັງໝົດໃນຕະກຸນນີ້ ຜູ້ຮັບໃຊ້ຢູ່ໃນພຣະວິຫານມີ 822 ຄົນ. ອາດາອີຢາລູກຊາຍຂອງເຢໂຣຮາມ ແລະຫລານຊາຍຂອງເປລາລີຢາ. ບັນພະບຸລຸດຂອງລາວມີດັ່ງນີ້: ອາມຊີ, ເຊກາຣີຢາ, ປັດຊູ ແລະມັນກີຢາ. 13 ສະມາຊິກທັງໝົດໃນຕະກຸນນີ້ ຜູ້ທີ່ເປັນຫົວໜ້າຄອບຄົວມີ 242 ຄົນ. ອາມັດໄສລູກຊາຍຂອງອາຊາເຣນ ແລະຫລານຊາຍຂອງອາຮະໄຊ. ບັນພະບຸລຸດຂອງລາວມີດັ່ງນີ້: ເມຊີນເລໂມດແລະອິມເມ. 14 ສະມາຊິກທັງໝົດໃນຕະກຸນນີ້ທີ່ເປັນທະຫານເກັ່ງກ້າມີ 128 ຄົນ. ຜູ້ນຳຂອງພວກເຂົາແມ່ນຊັບດີເອນ ສະມາຊິກຂອງຄອບຄົວໜຶ່ງທີ່ສຳຄັນທີ່ສຸດ. 15 ຊາວເລວີ: ເຊມາອີຢາລູກຊາຍຂອງຮັດຊຸບ ແລະຫລານຊາຍຂອງອາຊະຣີກຳ. ບັນພະບຸລຸດຂອງລາວມີດັ່ງນີ້: ຮາຊາບີຢາ ແລະບັນນີ. 16 ຊັບເບທາຍ ແລະໂຢຊາບັດ ຄົນເລວີຜູ້ດີເດັ່ນ ພວກເຂົາໄດ້ຮັບຜິດຊອບວຽກງານນອກວິຫານຂອງພຣະເຈົ້າ. 17 ມັດຕານີຢາລູກຊາຍຂອງມີກາ ແລະຫລານຊາຍຂອງຊັບດີ ແມ່ນເຊື້ອສາຍຄົນໜຶ່ງຂອງອາສັບ. ລາວເປັນຜູ້ນຳກຸ່ມຮ້ອງເພງໃນພຣະວິຫານ ໂດຍຮ້ອງເພງພາວັນນາອະທິຖານໂມທະນາຂອບພຣະຄຸນ. ບັກບຸກີຢາເປັນຜູ້ຊ່ວຍຂອງມັດຕານີຢາ. ອັບດາລູກຊາຍຂອງຊາມມູອາ ແລະຫລານຊາຍຂອງກາລານ ແມ່ນເຊື້ອສາຍຂອງເຢດູທູນ. 18 ຊາວເລວີທີ່ໄດ້ອາໄສຢູ່ໃນນະຄອນເຢຣູຊາເລັມ ເມືອງສັກສິດ ທັງໝົດມີ 284 ຄົນ. 19 ພວກເຝົ້າຍາມປະຕູ: ອັກກຸບ, ຕານໂມນ ແລະພີ່ນ້ອງທັງໝົດຂອງພວກເຂົາມີ 172 ຄົນ. 20 ສ່ວນປະຊາຊົນອິດສະຣາເອນທີ່ຍັງເຫລືອ ແລະບັນດາປະໂຣຫິດທີ່ຍັງຢູ່ ແລະຊາວເລວີ ຕ່າງກໍອາໄສຢູ່ໃນທີ່ດິນຂອງຕົນໃນເມືອງໃຫຍ່ ແລະເມືອງນ້ອຍອື່ນໆຂອງຢູດາຍ. 21 ຜູ້ຮັບໃຊ້ໃນພຣະວິຫານໄດ້ອາໄສຢູ່ໃນສ່ວນໜຶ່ງຂອງນະຄອນເຢຣູຊາເລັມ ຊຶ່ງເອີ້ນວ່າ ໂອເຟນ ແລະເຮັດໜ້າທີ່ຂອງພວກເຂົາ ພາຍໃຕ້ການດູແລຂອງຊີຮາ ແລະກີຊະປາ. 22 ຜູ້ດູແລຂອງຊາວເລວີທີ່ໄດ້ອາໄສຢູ່ໃນນະຄອນເຢຣູຊາເລັມແມ່ນອຸດຊີ. ລາວເປັນລູກຊາຍຂອງບານີ ແລະຫລານຊາຍຂອງຮາຊາບີຢາ. ບັນພະບຸລຸດຂອງລາວມີດັ່ງນີ້: ມັດຕານີຢາ ແລະມີກາ ຄົນໃນຕະກຸນຂອງອາສັບທີ່ຮັບຜິດຊອບຝ່າຍດົນຕຼີສຳລັບພິທີນະມັດສະການຕ່າງໆໃນພຣະວິຫານ. 23 ມີຄຳສັ່ງຂອງກະສັດຂໍ້ໜຶ່ງໄດ້ກຳນົດໄວ້ວ່າ, ຕະກຸນຕ່າງໆຈະຕ້ອງສັບປ່ຽນກັນຮ້ອງເພງແຕ່ລະວັນໃນພຣະວິຫານ. 24 ເປທາຮີຢາລູກຊາຍຂອງເມເຊຊາເບນແຫ່ງຕະກຸນເຊຣາ ແລະຢູ່ໃນເຜົ່າຢູດາ ໄດ້ປະຈຳຢູ່ທີ່ສຳນັກຂອງກະສັດ ເພື່ອຕາງໜ້າໃຫ້ປະຊາຊົນອິດສະຣາເອນ. ປະຊາຊົນໃນເມືອງໃຫຍ່ ແລະໃນເມືອງນ້ອຍອື່ນໆ 25 ປະຊາຊົນສ່ວນຫລາຍແມ່ນໄດ້ອາໄສຢູ່ໃນເມືອງນ້ອຍ ໃກ້ກັບໄຮ່ນາຂອງພວກເຂົາ. ພວກທີ່ເປັນຄົນໃນເຜົ່າຂອງຢູດາໄດ້ອາໄສຢູ່ໃນເມືອງກີຣິອາດອາກບາ, ດີໂບນ ແລະເຢກັບເຊເອນ ແລະໃນໝູ່ບ້ານຕ່າງໆທີ່ໃກ້ຄຽງກັບເມືອງເຫຼົ່ານັ້ນ. 26 ພວກເຂົາໄດ້ອາໄສຢູ່ໃນເມືອງຕ່າງໆຂອງເຢຊູອາ, ໂມລາດາ, ເບັດເປເລັດ 27 ແລະຮາຊາຊູອານ ແລະໃນເບເອນເຊບາ ແລະໃນໜູ່ບ້ານທີ່ຢູ່ອ້ອມແອ້ມນັ້ນ. 28 ພວກເຂົາອາໄສຢູ່ທີ່ເມືອງຊິກລັກ, ເມືອງເມໂກນາ ແລະໝູ່ບ້ານຂອງເມືອງນັ້ນ, 29 ເມືອງເອນຣິມໂມນ, ໂຊຣາ, ຢາຣະມຸດ, 30 ຊາໂນອາ, ອາດຸນລຳ ແລະໝູ່ບ້ານຕ່າງໆທີ່ຢູ່ໃກ້ຄຽງກັບເມືອງເຫຼົ່ານັ້ນ. ພວກເຂົາໄດ້ອາໄສຢູ່ໃນເມືອງລາກິດ ແລະໃນໄຮ່ນາຕ່າງໆທີ່ຢູ່ໃກ້ຄຽງ ແລະໃນເມືອງອາເຊກາ ແລະໃນໝູ່ບ້ານຕ່າງໆຂອງເມືອງນັ້ນ. ສະນັ້ນ ຈຶ່ງເວົ້າໄດ້ວ່າ ປະຊາຊົນຢູດານັ້ນໄດ້ອາໄສຢູ່ໃນເຂດແດນ ລະຫວ່າງເບເອນເຊບາທາງພາກໃຕ້ ແລະຮ່ອມພູຮິນໂນມທາງພາກເໜືອ. 31 ປະຊາຊົນຂອງເຜົ່າເບັນຢາມິນໄດ້ອາໄສຢູ່ ຕັ້ງແຕ່ເມືອງເກບາທາງພາກເໜືອ ຈົນຮອດມິກມາດ, ອາອີ, ເບັດເອນ ແລະໝູ່ບ້ານຕ່າງໆທີ່ຢູ່ໃກ້ຄຽງນັ້ນ; 32 ອານາທົດ, ໂນບ, ອານານີຢາ, 33 ຮາໂຊ, ຣາມາ, ກິດຕາອິມ, 34 ຮາດິດ, ເຊບົວອິມ, ເນບັນລັດ, 35 ໂລດ ແລະໂອໂນ ແລະໃນຮ່ອມພູຂອງພວກຊ່າງສີມື. 36 ຊາວເລວີບາງໝວດໄດ້ອາໄສຢູ່ໃນເຂດແດນຂອງຢູດາຍ ແລະໄດ້ຮັບມອບໝາຍໃຫ້ຢູ່ກັບປະຊາຊົນຂອງເຜົ່າເບັນຢາມິນ. |
@ 2012 United Bible Societies. All Rights Reserved.