ໂຢຊວຍ 15 - ພຣະຄຳພີສັກສິເຂດແດນທີ່ໄດ້ຖືກມອບໝາຍໃຫ້ເຜົ່າຢູດາ 1 ຄອບຄົວຕ່າງໆໃນເຜົ່າຢູດາໄດ້ຮັບສ່ວນໜຶ່ງຂອງດິນແດນມີດັ່ງນີ້: ດິນແດນທາງທິດໃຕ້ໄປຈົນເຖິງໃຕ້ສຸດຮອດຖິ່ນແຫ້ງແລ້ງກັນດານຊິນ ທີ່ຊາຍແດນຂອງດິນແດນເອໂດມ. 2 ດິນແດນທາງທິດໃຕ້ນີ້ເລີ່ມແຕ່ທາງໃຕ້ສຸດຂອງທະເລຕາຍ 3 ສູ່ທາງໃຕ້ຈາກຊ່ອງແຄບອັກຣັບບິມໄປຈົນເຖິງຊິນ. ດິນແດນນີ້ແຕ່ຕອນໃຕ້ຂອງກາເດັດບາກເນອາ ຕ້ອງໄດ້ຜ່ານໄປທາງເມືອງເຮຊະໂຣນ, ຂຶ້ນໄປທາງອັດດາ, ລ້ຽວໄປທາງກາກກາ, 4 ຂຶ້ນໄປທາງອາຊະໂມນ ແລະລຽບໄປຕາມລຳນໍ້າຂອງຊາຍແດນແຫ່ງປະເທດເອຢິບ ລົງສູ່ທະເລເມດີແຕຣາເນ. ອັນນີ້ແມ່ນຊາຍແດນທາງທິດໃຕ້ຂອງເຜົ່າຢູດາ. 5 ສ່ວນຊາຍແດນທາງທິດຕາເວັນອອກນັ້ນແມ່ນທະເລຕາຍ ແລະເລີຍຂຶ້ນໄປຈົນເຖິງອ່າວບ່ອນທີ່ແມ່ນໍ້າຈໍແດນໄຫລໄປສູ່ນັ້ນ. ສ່ວນຊາຍແດນທາງທິດເໜືອເລີ່ມແຕ່ອ່າວຂອງທະເລນີ້ 6 ໄປຈົນເຖິງເບັດໂຮກະລາ ແລະເລີຍໄປທາງເໜືອຂອງເບັດອາຣາບາ ແລ້ວກໍຂຶ້ນໄປຈົນເຖິງໂງ່ນຫີນໂບຮານ (ໂບຮານເປັນລູກຊາຍຂອງຣູເບັນ). 7 ແຕ່ຮ່ອມພູອາໂຄຂຶ້ນໄປຈົນເຖິງເດບີ ແລະລ້ຽວໄປທາງເໜືອຮອດກິນການ ທີ່ຫັນໜ້າໃສ່ຊ່ອງແຄບອາດຸມມິມທາງເບື້ອງໃຕ້ຂອງຮ່ອມພູ. ແລ້ວດິນແດນນີ້ກໍຜ່ານໄປຈົນເຖິງນໍ້າພຸເອນເຊເມດ ອອກໄປທີ່ເອນໂຣເກນ 8 ແລະຜ່ານຂຶ້ນໄປທາງຮ່ອມພູຮິນໂນມທາງເບື້ອງໃຕ້ຂອງເນີນພູ ບ່ອນທີ່ເຢຣູຊາເລັມເມືອງຂອງຊາວເຢບຸດໄດ້ຕັ້ງຢູ່. ແລ້ວຊາຍແດນນີ້ກໍເລີຍຂຶ້ນໄປຈົນເຖິງຍອດພູ ທາງທິດຕາເວັນຕົກຂອງຮ່ອມພູຮິນໂນມ ທີ່ສົ້ນເໜືອສຸດຂອງຮ່ອມພູເຣຟາອິມ. 9 ຈາກບ່ອນນີ້ ຊາຍແດນໄດ້ໄປຈົນເຖິງນໍ້າພຸເນັບໂທອາ ແລະອອກໄປຈົນເຖິງເມືອງຕ່າງໆໃກ້ກັບພູເອຟະໂຣນ. ໃນທີ່ນັ້ນ ຊາຍແດນນີ້ໄດ້ລ້ຽວໄປທາງບາອາລາ (ຫລືກີຣີອາດເຢອາຣີມ) 10 ໃນບ່ອນນີ້ຊາຍແດນໄດ້ລ້ຽວໂຄ້ງໄປທາງບາອາລາ ຈົນເຖິງເຂດພູເຂົາຂອງເສອີ ທັງຜ່ານໄປຈົນເຖິງດ້ານເໜືອຂອງພູເຢອາຣິມ (ຫລືເກສາໂລນ) ແລະລົງໄປຈົນເຖິງເບັດເຊເມດແລະຊ່ອງແຄບຕິມນາ. 11 ແລ້ວຊາຍແດນນັ້ນກໍໄດ້ຍາວອອກໄປ ຈົນເຖິງເນີນພູດ້ານເໜືອຂອງເມືອງເອັກໂຣນ ລ້ຽວໄປທາງຊິກເກໂຣນ, ຜ່ານພູບາອາລາ ແລະໄປຈົນເຖິງຢຳນີຢາ. ເຂດແດນນີ້ເລີຍໄປສຸດລົງທີ່ທະເລເມດີແຕຣາເນ 12 ຊຶ່ງເປັນຊາຍແດນທາງທິດຕາເວັນຕົກ. ລະຫວ່າງຊາຍແດນເຫຼົ່ານີ້ແມ່ນຄອບຄົວຕ່າງໆໃນເຜົ່າຢູດາອາໄສຢູ່. ກາເລັບຕີເອົາເຮັບໂຣນແລະເດບີ ( ຜປ 1:11-15 ) 13 ຕາມຄຳສັ່ງຂອງພຣະເຈົ້າຢາເວແກ່ໂຢຊວຍ ເພິ່ນຈຶ່ງໄດ້ມອບເຂດແດນທີ່ເປັນສ່ວນຂອງເຜົ່າຢູດາ ໃຫ້ກາເລັບລູກຊາຍຂອງເຢຟຸນເນ ຄົນໃນເຜົ່າຢູດາ. ກາເລັບໄດ້ຮັບເຮັບໂຣນ ເມືອງຂອງອາກບາຜູ້ທີ່ເປັນພໍ່ຂອງອານາກ. 14 ສ່ວນກາເລັບກໍໄດ້ຂັບໄລ່ເຊື້ອສາຍຂອງອານາກ ຄືຕະກຸນເຊຊາຍ, ອາຮີມານ ແລະຕານໄມອອກໄປຈາກເມືອງ. 15 ຈາກນັ້ນ ກາເລັບໄດ້ອອກໄປໂຈມຕີປະຊາຊົນທີ່ອາໄສຢູ່ໃນເມືອງເດບີ (ເມືອງນີ້ເຄີຍມີຊື່ວ່າ ກີຣິອາດເຊເຟ). 16 ກາເລັບໄດ້ກ່າວວ່າ, “ຜູ້ໃດຢຶດຄອງເມືອງກີຣິອາດເຊເຟນີ້ໄດ້ສຳເລັດຈະໄດ້ແຕ່ງງານກັບອັກສາ ລູກສາວຂອງຂ້າພະເຈົ້າ.” 17 ໂອດນີເອນ ລູກຊາຍຂອງເກນາດນ້ອງຊາຍຂອງກາເລັບຢຶດເມືອງນັ້ນໄດ້. ດັ່ງນັ້ນ ກາເລັບຈຶ່ງໄດ້ຍົກອັກສາລູກສາວຂອງຕົນ ໃຫ້ແຕ່ງງານກັບລາວ. 18 ຢູ່ມາຫລັງຈາກແຕ່ງງານແລ້ວ ໂອດນີເອນໄດ້ຊັກຊວນນາງ ໃຫ້ຂໍທົ່ງນາຈາກຜູ້ເປັນພໍ່. ເມື່ອນາງລົງຈາກຫລັງລໍ ກາເລັບກໍໄດ້ຖາມວ່າ, “ລູກຢາກໄດ້ຫຍັງ?” 19 ນາງຈຶ່ງຕອບວ່າ, “ລູກຢາກໄດ້ດິນແດນເນເກັບພ້ອມທັງບໍ່ນໍ້າບາງແຫ່ງ ເພາະບ່ອນທີ່ພໍ່ໄດ້ມອບໃຫ້ລູກນັ້ນເປັນດິນແຫ້ງແລ້ງ.” ດັ່ງນັ້ນ ກາເລັບຈຶ່ງໄດ້ມອບບໍ່ນໍ້າທາງເໜືອແລະທາງໃຕ້ໃຫ້ແກ່ນາງ. ເມືອງຕ່າງໆທີ່ເປັນຂອງເຜົ່າຢູດາ 20 ຕໍ່ໄປນີ້ແມ່ນດິນແດນທີ່ຄອບຄົວຕ່າງໆໃນເຜົ່າຢູດາ ໄດ້ຮັບເປັນກຳມະສິດຂອງຕົນ. 21 ເມືອງຕ່າງໆທາງທິດໃຕ້ສຸດທີ່ເປັນຂອງພວກເຂົາ ດ້ານທີ່ຢູ່ໃກ້ເຂດເອໂດມ ມີດັ່ງນີ້: ກັບເຊເອນ, ເອເດ, ຢາກູເຣ, 22 ກີນາ, ດີໂມນາ, ອາດາດາ, 23 ເກເດັດ, ຮາໂຊ, ອິດນັນ, 24 ຊີເຟ, ເຕເລັມ, ເບອາໂລດ, 25 ຮາໂຊຮາດັດຕາ, ເກຣິໂອດເຮຊະໂຣນ (ຫລືວ່າຮາໂຊ), 26 ອາມາມ, ເຊມາ, ໂມລາດາ, 27 ຮາຊາກັດດາ, ເຮຊະໂມນ, ເບັດເປເລັດ, 28 ຮາຊາຊູອານ, ເບເອນເຊບາ, ບີຊີໂອທີຢາ, 29 ບາອາລາ, ອີອີມ, ເອເຊມ, 30 ເອນໂຕລັດ, ເກສິນ, ໂຮມາ, 31 ຊິກລັກ, ມາດມານນາ, ສັນສັນນາ, 32 ເລບາໂອດ, ຊິນຮີມ, ອາອິນ ແລະຣິມໂມນ. ລວມທັງໝົດມີ 29 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 33 ເມືອງຕ່າງໆທີ່ຢູ່ຕາມຕີນພູ ມີດັ່ງນີ້: ເອຊະຕາໂອນ, ໂຊຣາ, ອາຊະນາ, 34 ຊາໂນອາ, ເອັນກັນນີມ, ຕັບປູອາ, ເອນາມ, 35 ຢາຣະມຸດ, ອາດຸນລຳ, ໂສໂກ, ອາເຊກາ, 36 ຊາອາຣາອິມ, ອາດີທາອີມ, ເກເດຣາ ແລະເກເດໂຣທາອີມ. ລວມທັງໝົດມີ 14 ຕົວເມືອງ ຕະຫຼອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 37 ມີເມືອງຕ່າງໆອີກດັ່ງນີ້: ເຊນານ, ຮາດາຊາ, ມິກດັນກາດ, 38 ດີເລອານ, ມີຊະປາ, ໂຢກເທເອນ, 39 ລາກິດ, ໂບຊະກາດ, ເອກໂລນ, 40 ກັບໂບນ, ລາມາມ, ກິດລິດ, 41 ເກເດໂຣດ, ເບັດດາໂກນ, ນາອາມາ ແລະມັກເກດາ. ລວມທັງໝົດມີ 16 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 42 ມີເມືອງຕ່າງໆອີກດັ່ງນີ້: ລິບນາ, ເອເທ, ອາຊານ, 43 ອີຟະຕາ, ອາຊະນາ, ເນຊິບ, 44 ເກອີລາ, ອັກຊິບ ແລະມາເຣຊາ. ລວມທັງໝົດມີ 9 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 45 ຍັງມີເມືອງເອັກໂຣນພ້ອມທັງເມືອງເລັກເມືອງນ້ອຍກັບໝູ່ບ້ານຕ່າງໆ 46 ຕະຫລອດທັງເມືອງຕ່າງໆທັງໝົດຊຶ່ງຢູ່ໃກ້ກັບອາຊະໂດດ ຕັ້ງແຕ່ເອັກໂຣນຈົນໄປເຖິງທະເລເມດີແຕຣາເນ. 47 ຍັງມີເມືອງອາຊະໂດດແລະກາຊາ ພ້ອມທັງເມືອງເລັກເມືອງນ້ອຍກັບໝູ່ບ້ານຕ່າງໆ ໄປຈົນເຖິງລຳນໍ້າທາງຊາຍແດນຂອງປະເທດເອຢິບ ແລະທາງຝັ່ງທະເລເມດີແຕຣາເນ. 48 ສ່ວນທາງເຂດເນີນພູນັ້ນມີດັ່ງນີ້: ຊາເມຍ, ຢັດຕີ, ໂສໂກ, 49 ດານນາ, ກີຣິອາດສັນນາ (ຫລືວ່າເດບີ), 50 ອານາບ, ເອຊະເຕມົວ, ອານີມ, 51 ໂກເຊັນ, ໂຮໂລນ ແລະກິໂລ. ລວມທັງໝົດມີ 11 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 52 ຍັງມີເມືອງອາຣັບ, ດູມາ, ເອຊານ, 53 ຢານິມ, ເບັດຕັບປູອາ, ອາເຟກາ, 54 ຮຸມຕາ, ກີຣີອາດອາກບາ (ຊຶ່ງແມ່ນເມືອງເຮັບໂຣນ) ແລະຊີໂອເຣ. ລວມທັງໝົດມີ 9 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 55 ແລະຍັງມີເມືອງມາໂອນ, ກາເມນ, ຊີເຟ, ຢຸດຕາ, 56 ຢິດຊະເຣນ, ຢົກເດອາມ, ຊາໂນອາ, 57 ກາອີນ, ກີເບອາ ແລະຕິມນາ. ເມື່ອລວມທັງໝົດມີ 10 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 58 ຍັງມີເມືອງຮັນຮູນ, ເບັດຊູເຣ, ເກໂດເຣ, 59 ມາອາຣາດ, ເບັດອາໂນດ ແລະເອນເຕໂກນ. ເມື່ອລວມທັງໝົດມີ 6 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 60 ຍັງມີເມືອງກີຣິອາດບາອານ (ຫລືວ່າ ກີຣີອາດເຢອາຣີມ) ແລະຣັບບາ. ເມື່ອລວມທັງໝົດມີ 2 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 61 ຢູ່ຕາມຖິ່ນແຫ້ງແລ້ງກັນດານ ມີດັ່ງນີ້: ເບັດອາຣາບາ, ມິດດິນ, ເສກາກາ, 62 ນິບຊານ, ເມືອງບໍ່ເກືອ ແລະເອນເກດີ. ລວມທັງໝົດມີຢູ່ 6 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ. 63 ແຕ່ປະຊາຊົນຢູດາບໍ່ສາມາດຂັບໄລ່ພວກເຢບຸດ ຊຶ່ງອາໄສຢູ່ນະຄອນເຢຣູຊາເລັມອອກໄປໄດ້. ພວກເຢບຸດຈຶ່ງຍັງອາໄສຢູ່ໃນທີ່ນັ້ນກັບປະຊາຊົນຢູດາຈົນເຖິງທຸກວັນນີ້. |
@ 2012 United Bible Societies. All Rights Reserved.