1 ຂ່າວຄາວ 3 - ພຣະຄຳພີສັກສິພວກລູກໆຂອງກະສັດດາວິດ 1 ຕໍ່ໄປນີ້ແມ່ນລູກຊາຍຂອງກະສັດດາວິດຕາມລຳດັບອາຍຸ ເກີດໃນເວລາທີ່ເພິ່ນໄດ້ອາໄສຢູ່ໃນເມືອງເຮັບໂຣນ ມີດັ່ງນີ້: ອຳໂນນ ມີແມ່ຊື່ນາງອາຮີໂນອາມ ຊາວຢິດຊະເຣນ ດານີເອນ ມີແມ່ຊື່ນາງອາບີກາຍ ຊາວກາເມນ 2 ອັບຊາໂລມ ມີແມ່ຊື່ນາງມາອາກາ ລູກສາວຂອງກະສັດຕານໄມແຫ່ງເມືອງເກຊູ ອາໂດນີຢາ ມີແມ່ຊື່ນາງຮັກກິດ 3 ເຊຟາຕີຢາ ມີແມ່ຊື່ນາງອາບີຕານ ອິດທະເຣອາມ ມີແມ່ຊື່ນາງເອກະລາ 4 ລູກທັງຫົກຄົນນັ້ນໄດ້ເກີດຢູ່ໃນເມືອງເຮັບໂຣນ ເວລາທີ່ກະສັດດາວິດໄດ້ປົກຄອງຢູ່ທີ່ນັ້ນເປັນເວລາເຈັດປີເຄິ່ງ. ກະສັດດາວິດໄດ້ປົກຄອງຢູ່ທີ່ນະຄອນເຢຣູຊາເລັມເປັນເວລາສາມສິບສາມປີ ແລະເພິ່ນໄດ້ລູກຊາຍອີກຫລາຍຄົນ. ນາງບັດເຊບາ ເມຍຂອງເພິ່ນເປັນລູກສາວຂອງອາມມີເອນ 5 ໄດ້ເກີດລູກຊາຍສີ່ຄົນ ດັ່ງນີ້: ຊີເມອາ, ໂຊບັບ, ນາທານ ແລະໂຊໂລໂມນ. 6 ເພິ່ນໄດ້ມີລູກຊາຍອື່ນໆອີກເກົ້າຄົນ ດັ່ງນີ້: ອິບຮາ, ເອລີຊາມາ, ເອລີເຟເລັດ, 7 ໂນຄາ, ເນເຟັກ, ຢາເຟຍ, 8 ເອລີຊາມາ, ເອລີອາດາ ແລະເອລີເຟເລັດ. 9 ນອກຈາກລູກທັງໝົດເຫຼົ່ານີ້ແລ້ວ ເພິ່ນຍັງມີລູກຊາຍຫລາຍຄົນທີ່ໄດ້ເກີດຈາກບັນດາເມຍນ້ອຍ. ເພິ່ນໄດ້ມີລູກສາວຜູ້ໜຶ່ງອີກຊື່ວ່າ ຕາມາ. ເຊື້ອສາຍຂອງກະສັດໂຊໂລໂມນ 10 ຣາຊວົງຂອງກະສັດໂຊໂລໂມນແຕ່ພໍ່ຮອດລູກ ມີດັ່ງນີ້: ໂຊໂລໂມນ, ເຣໂຫໂບອາມ, ອາບີຢາ, ອາສາ, ເຢໂຮຊາຟັດ, 11 ໂຢຣາມ, ອາຮາຊີຢາ, ໂຢອາດ, 12 ອາມາຊີຢາ, ອາຊາຣີຢາ(ອຸດຊີຢາ), ໂຢທາມ, 13 ອາຮາດ, ເຮເຊກີຢາ, ມານາເຊ, 14 ອາໂມນ ແລະ ໂຢສີຢາ. 15 ໂຢສີຢາມີລູກຊາຍສີ່ຄົນຕາມລຳດັບອາຍຸ ມີດັ່ງນີ້: ໂຢຮານັນ, ເຢໂຮຍອາກິມ, ເຊເດກີຢາ ແລະຊານລູມ. 16 ເຢໂຮຍອາກິມມີລູກຊາຍສອງຄົນ ດັ່ງນີ້: ເຢໂຮຍອາກິນ ແລະເຊເດກີຢາ. ເຊື້ອສາຍຂອງກະສັດເຢໂຮຍອາກິນ 17 ຄົນເຫຼົ່ານີ້ແມ່ນບັນດາເຊື້ອສາຍຂອງກະສັດເຢໂຮຍອາກິນ ທີ່ຖືກພວກບາບີໂລນຈັບໄປເປັນຊະເລີຍ ກະສັດເຢໂຮຍອາກິນມີລູກຊາຍເຈັດຄົນ ດັ່ງນີ້: ເຊອານຕີເອນ, 18 ມານກີຣາມ, ເປດາອີຢາ, ເຊນັດຊາ, ເຢກາມີຢາ, ໂຮຊາມາ ແລະເນດາບີຢາ. 19 ເປດາອີຢາ ມີລູກຊາຍສອງຄົນດັ່ງນີ້: ເຊຣຸບບາເບນແລະຊີເມອີ. ເຊຣຸບບາເບນ ມີລູກຊາຍສອງຄົນດັ່ງນີ້: ເມຊູນລຳແລະຮານານີຢາ ແລະມີລູກສາວຜູ້ໜຶ່ງຊື່ວ່າ ເຊໂລມິດ. 20 ເພິ່ນຍັງມີລູກສາວຕື່ມອີກຫ້າຄົນດັ່ງນີ້: ຮາຊູບາ, ໂອເຮນ, ເບເຣກີຢາ, ຮາສາດີຢາ ແລະຢູຊັບເຮເສັດ. 21 ຮານານີຢາ ມີລູກຊາຍສອງຄົນດັ່ງນີ້: ເປລາຕີຢາແລະເຢຊາອີຢາ. ເຢຊາອີຢາເປັນພໍ່ຂອງເຣຟາອີຢາ ແລະເຣຟາອີຢາເປັນພໍ່ຂອງອາກນັນ ອາກນັນເປັນພໍ່ຂອງໂອບາດີຢາ ແລະໂອບາດີຢາເປັນພໍ່ຂອງເຊການີຢາ. 22 ເຊການີຢາມີລູກຊາຍຜູ້ໜຶ່ງຊື່ວ່າ ເຊມາອີຢາ ແລະມີຫລານຊາຍຫ້າຄົນ ດັ່ງນີ້: ຮັດຕຸເຊ, ອີການ, ບາຣີຢາ, ເນອາຣີຢາ ແລະຊາຟັດ. 23 ເນອາຣີຢາ ມີລູກຊາຍສາມຄົນດັ່ງນີ້: ເອລີໂອນາຍ, ຮີຊະກີຢາ ແລະອາຊະຣີກຳ. 24 ເອລີໂອນາຍ ມີລູກຊາຍເຈັດຄົນດັ່ງນີ້: ໂຮດາວີຢາ, ເອລີອາຊິບ, ເປລາອີຢາ, ອັກກຸບ, ໂຢຮານານ, ເດລາອີຢາ ແລະອານານີ. |
@ 2012 United Bible Societies. All Rights Reserved.