यूहन्ना 20 - Walangi

यीशु मरण केआं दुबारी जीण त अपु चेली दर्शण देण ( 20:1—21:25 ) यीशु मरण केआं दुबारी जीण

¹ पता हफ्ते पेहला रोज, जे ऐतवार थिआ, पथवारी ईं मगदला ग्रांए मरियम तेस कुड केईं आई त कुड पुठ दुतो पठ घराओ का।

² त से तठिआ दौड़ दी कइ शमौन पतरसे त तेस चेले केईं आई जेस जुए यीशु सोबी केआं ज्यादा परेम कताथ त तेस जे बोलु, “केनि प्रभु लाश कुड केआं किढ़ कइ कुरेह नीओ असी; त असी पता नेईं कि तेन से कोठि रखो असी।”

³ त पतरस त होरा चेला, तेस कुड केईं जे गे।

⁴ से दुहिए यक सात दौड़ुण लगो थिए, पर पता होरा से चेला पतरस केआं अगर निस कइ कुड पुठ पेहले पूज गा।

⁵ त उनकुशी कइ अन्तर टलि झड़ो काई, पर अन्तर ना गा।

⁶ तोउं पतरस तसे पता पता एई कइ तठि पुजा त अन्तर घेई कइ टलि झड़ो काई।

⁷ त से मझीन जे यीशु मगिरि जोई बन्हो थिउ, से टलि जुए नेईं, पर यक होरी जगाई चोफलियेर कइ रखो काउ।

⁸ तोउं होरा चेला जे कुड केईं पेहलाई पुजो थिआ, से बि अन्तर गा त हेर कइ विश्वास किआ कि यीशु जीन्ता भोई गो असा,

⁹ (किस कि तेन्हि अपल तकर धरमे कताब अन्तर जे लिखो असु कि तस मर कइ दुबारी जीण असु, से ना समझतेथ।)

यीशु मरियम जुए मीण

¹⁰ त से चेले अपु जगाई जे पैटे।

¹¹ पर मगदला ग्रांए मरियम रोलती रोलती तठि कुडे भेएड़ खड़ खड़ बिश गई त कुड अन्तर हेरुण जे उनकुशी,

¹² त हेरु कि दुई स्वर्गेदूत हच्छे चमकिले झिणे लाई कइ जेठि यीशु लाश रखो थी तठि बिशो असे। यक मगिरि कना त होरा तसे खुरे कना

¹³ तेन्हि दुहि बोलु, “जिल्हाणुआ! तु किस रोलुण लगो असी?” त तेन तेन्हि जे बोलु, “कोउं जेईं में प्रभु घिन गो असे त मोउं पता नेईं से कोठि रखो असा।”

¹⁴ ई बोते बोते से पतूं खिरकी त यीशु तठि खड़िए का, पर तेन से ना पिछाणा

¹⁵ यीशु तस जे बोलु, “जिल्हाणुआ! तु किस रोलती? केस तोपुण लगो असी?” त तेन से माली समझ कइ तस जे बोलु, “भाई साहबा! अगर तुस तस घिन गो असे, त छने मोउं जे बोलीण दिए कि कोठि रखो असा, त अउं तस घिन घेन्ति।”

¹⁶ यीशु तस जे बोलु, “मरियमा!” त तेन ता जे खिरक कइ तस जे इब्रानी भाषा अन्तर बोलु, “रब्बुनी” मतलब “ए गुरु”।

¹⁷ यीशु तस जे बोलु, “मरियमा, अपल तकर अउं स्वर्ग, अपु बोउ केईं जे गोओरा नेईं। मोउं टाइ ना रख। पर घेई कइ में चेली जे बोल कि अउं अपु त तुं परमपिता परमेश्वर केईं खड़िया घेन्ता।”

¹⁸ त तेन घेई कइ चेली जे बोताउ, “मेईं प्रभु का त तेन मोउं जे ई बोक बोली।”

यीशु चेली जोई मीण

¹⁹ तेस रोज ब्यादली टेम, जे हफ्ते पेहला रोज थिआ, यहूदी नेती हेर डर कइ चेली दुआर खुणुक कइ कठे थिए। तपल अजगता यीशु एई कइ तेन्के बीचो बुच खड़ भोई गा त बोलु, “परमेश्वर तुसी शान्ति दिए।”

²⁰ ई बोते बोते तेन तेन्हि अपु हतेउ त टशवाड़ हराला। तोउं चेले प्रभु हेर कइ खुश भोई गे।

²¹ यीशु फि तेन्हि जे बोलु, “परमेश्वर तुसी शान्ति दिए; जीं बोउए अउं लंघा, तीं अउं बि तुसी लंघान्ता।”

²² ई बोल कइ तेन तेन्हि पुठ फुक दिती त तेन्हि जे बोलु, “शुची आत्मा नीए।

²³ जेन्के पाप तुस माफ कते, तेन्के से पाप माफ भोई घेन्ते। जेन्के पाप तुस माफ ना कते, तेन्के से पाप माफ ना भुन्ते।”

²⁴ पर यीशु इन्हि चेली जुएई मीणे टेम तेन्हि बाराह चेली बुचा यक चेला मतलब थोमा, जेस जे जूंठ बि बोते, से तेन्हि जुए नेओथ।

²⁵ त जपल होरे चेले तस जे बोलुण लगे, “असी प्रभु काआ”, त तेन तेन्हि जे बोलु, “जोउं संख अउं अपफ तसे हतेउ मीखी निशाण ना हेरुं, त तसे तेस घा पुठ अपु हतेउ ना छुआउं, तोउं संख अउं विश्वास ना कता।”

यीशु थोमा जुए मीण

²⁶ त अठूं रोज पता, चेले यक गी अन्तर दुआर चढ़ि कइ थिए। त थोमा बि तेन्हि जुए थिआ। त यीशु एई कइ तेन्के बीचो बुच खड़ भुई कइ बोलु, “परमेश्वर तुसी शान्ति दिए।”

²⁷ तोउं तेन थोमा जे बोलु, “थोमा, एई कइ में टशवाड़ पुठ अपु अंगुली ला। त शक करण छड़ दे त मोउं पुठ विश्वास कर!”

²⁸ त थोमे बोलु, “ए में प्रभु, ए में परमेश्वरा!”

²⁹ यीशु तस जे बोलु, “ए थोमा! तेईं त मोउं हेर कइ विश्वास किओ असा। पर जेन्हि मोउं हेर कइ ना बल्कि बजन हेरणे मोउं पुठ विश्वास किआ, परमेश्वर तेन्हि सुआ अशुश देन्ता।”

इस कताब लिखणे मकसद

³⁰ यीशु हउ बि सुआ चमत्कारे कम अपु चेली के सम्हाणि कर कइ हराले जे इस कताब अन्तर नेईं लिखो।

³¹ पर ई सोब बोक तोउं लिखो असी ताकि तुस ए विश्वास करियेल कि यीशु परमेश्वरे कुआ “मसीह” भो। त तेस पुठ विश्वास कर कइ तसे नओएं बेलि तुसी अमर जीवन मेईंए।