ରୋମିୟ 6 - New Testament in Pengo Parja Languageପାପ୍ କାଜିଙ୍ଗ୍ ହାଃତି ମାନାୟାର୍ଲେକେ ଆରେ ଈଶ୍ୱରତିଙ୍ଗ୍ ପାର୍ତି କିଜି ଜିବୁନ୍ଆନି ବିଷୟନି କାତା 1 ଈଶ୍ୱର ମାଙ୍ଗେଙ୍ଗ୍ ଦୟା କିତ୍ତି କାଜିଙ୍ଗ୍, ହେୱାନ୍ ମା ପାପ୍ ୱିଜୁ କେମା କିତ୍ତାନ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଆରେ ପାପ୍ କାମାୟ୍ କିଜି ମାନ୍ୱି ଦର୍କାର୍। 2 ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ଆରେ କିଜି ମାନୁସ୍। ଇନେସ୍କି ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ମାନାୟ୍ ଲେକେ ଆତାସ୍ନା। 3 ଆପେଙ୍ଗ୍ ପୁଚାପ୍ନା ଯେ, ଏଚେକାଡ଼୍ଦ ଆସେଙ୍ଗ୍ ଯୀଶୁ ଖ୍ରୀଷ୍ଟନି ଲକ୍ ଆତାସ୍, ହେପାଦ୍ନା ଆସେଙ୍ଗ୍ ଡୁବନ୍ ଅତାସ୍ ଆରେ ତା ହୁଦାଙ୍ଗ୍ ଏକ୍ ଆତାସ୍। ଆରେ ଏଚେପାଦ୍ନା ଆସେଙ୍ଗ୍ ଡୁବନ୍ ଆତାପ୍, ହେୱାନ୍ ହାଃତି ଲେକେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍ନା। 4 ଏଚେପାଦ୍ନା ଆସେଙ୍ଗ୍ ଡୁବନ୍ ଅତାସ୍, ହେପାଦ୍ନା ଆସେଙ୍ଗ୍ ତା ହୁଦାଙ୍ଗ୍ ହାଃତାସ୍ ଆରେ ମାଙ୍ଗେଙ୍ଗ୍ କବର୍ ହିତ୍ତାର୍ନା। ଆରେ ଇନେସ୍ଲେକେ ଆବା ଈଶ୍ୱର ତା ଗୌରବନି ଶାକ୍ତିତାଙ୍ଗ୍ ତାଙ୍ଗେଙ୍ଗ୍ ଆରେରଗ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍, ହେଲେକେ ଆସେଙ୍ଗ୍ ପା ପୁନି ଜିବୁନ୍ ପାୟାଆତାସ୍ନା। 5 ଇନେସ୍କି ଆସେଙ୍ଗ୍ ଯଦି ହେୱାନ୍ ହାଃତି ଲେକେ ତା ହୁଦାଙ୍ଗ୍ ହାଃଜି ଏକ୍ ଆତାସ୍ନା, ଲାଗିଙ୍ଗ୍ ହେୱାନ୍ ଇନେସ୍ଲେକେ ଆରେରଗ ଜିବୁନ୍ ଆତାନ୍, ହେଲେକେ ଆସେଙ୍ଗ୍ ପା ଜିବୁନ୍ ଆନାସ୍। 6 ଇନେସ୍କି ଆସେଙ୍ଗ୍ ଆରେରଗ ପାପ୍କିନି ଚାକର୍ ଆଉସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ମା ପାପ୍ନି ଗାଗାଡ଼୍ ନଷ୍ଟ କିନି କାଜିଙ୍ଗ୍ ମା କରାପ୍ ବ୍ୟବହାର୍ତିଙ୍ଗ୍, ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍ତାକେ ମାର୍ନେ ଅସ୍ତାପ୍ନା। 7 ଆପେଙ୍ଗ୍ ପୁଚାପ୍ନା ଯେ, ଇମ୍ଣି ମାନାୟ୍ ଖ୍ରୀଷ୍ଟ ହୁଦାଙ୍ଗ୍ ହାଃତାନ୍ନା ହେୱାନ୍ ପାପ୍ତାଙ୍ଗ୍ ମୁକ୍ତି ପାୟାଆତାନ୍ନା। 8 ମାତର୍ ଆପେଙ୍ଗ୍ ଯଦି ଖ୍ରୀଷ୍ଟ ହୁଦାଙ୍ଗ୍ ହାଃତାପ୍ନା, ଲାଗିଙ୍ଗ୍ ଆପେଙ୍ଗ୍ ପୁଚାପ୍ନା ଯେ, ଆପେଙ୍ଗ୍ ତା ହୁଦାଙ୍ଗ୍ ପୁନି ଜିବୁନ୍ ପାୟାଆନାପ୍। 9 ଆପେଙ୍ଗ୍ ଇଦାଙ୍ଗ୍ ପୁଚାପ୍ନା ଯେ, ଖ୍ରୀଷ୍ଟ ହାଃଜି ଆରେରଗ ଜିବୁନ୍ ଆତାନ୍ନା ଆରେ ହେୱାନ୍ ଇନାୱେଡ଼ାଙ୍ଗ୍ ପା ହାଃଉନ୍ ଇନେସ୍କି ମାରାଣ୍ ଶାକ୍ତି ତାଙ୍ଗେଙ୍ଗ୍ ସାସନ୍ କିଦେଙ୍ଗ୍ ଆଡୁତ୍। 10 ଖ୍ରୀଷ୍ଟ ରଗ ନେ ପାପ୍ନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ହାଃତାନ୍। ଆରେ ହେୱାନ୍ ନଙ୍ଗୟ୍ ଈଶ୍ୱରତିଙ୍ଗ୍ ଗୌରବ କିନି କାଜିଙ୍ଗ୍ ଜିଜି ମାନାନ୍। 11 ଲାଗିଙ୍ଗ୍ ଏପେଙ୍ଗ୍ ପାପ୍ନି ଶାକ୍ତିତାଙ୍ଗ୍ ହାଃତାଙ୍ଗ୍ନା ଇଞ୍ଜି ପୁନି ଦର୍କାର୍ ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତି ଗୌରବ କିନି ଦର୍କାର୍। 12 ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ କିନି ଇଚା, ମା ଗାଗାଡ଼୍ତିଙ୍ଗ୍ ସାସନ୍ କିଦ୍ମେତ୍, ଆରେ ଏପେଙ୍ଗ୍ ପା, ପାପ୍ କାମାୟ୍ କିନି ଇଚା ଅନୁସାରେ କିମାଟ୍। 13 ଆରେ ମି ଗାଗାଡ଼୍ନି ଜିନିସ୍ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍। 14 ଲାଗିଙ୍ଗ୍ ପାପ୍ ମି ଜିବୁନ୍ତିଙ୍ଗ୍ ସାସନ୍ କିଦୁତ୍, ଇନେସ୍କି ଏପେଙ୍ଗ୍ ଦରମ୍ ସାସ୍ତର୍ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍। ଈଶ୍ୱରତି ଆଦେସ୍ ମାନିକିନି ବିଷୟ 15 ଆସେଙ୍ଗ୍ ଯଦି ଦରମ୍ ସାସ୍ତର୍ନି ନିୟମ୍ ତାରେନ୍ ହିଲୁସ୍, ଆରେ ଈଶ୍ୱରତାକେନି ଦୟାନି ତାରେନ୍ ମାନାସ୍। ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ କିୱି ମାନି ଦର୍କାର୍। 16 ଆସେଙ୍ଗ୍ ପୁଚାସ୍ନା ଯେ, ଏଚେପାଦ୍ନା ଆସେଙ୍ଗ୍ ଇନେର୍ ତାରେନ୍ ଯଦି କାମାୟ୍ କିନାସ୍ ଲାଗିଙ୍ଗ୍ ହେୱାନ୍ ମା ମାଲିକ୍ ଆନାନ୍, ଆରେ ହେୱାନ୍ ଇମ୍ଣାକା କିୟାଟ୍ ଇଞ୍ଜ୍ନାନ୍ ହେଦାଙ୍ଗ୍ କିନାସ୍। ଏପେଙ୍ଗ୍ ପାପ୍ନି ତାରେନ୍ ମାଚିସ୍ ଇମ୍ଣାକା କି ମିଙ୍ଗେଙ୍ଗ୍ ମାରାଣ୍ ତାହି ହିଦ୍ନାତ୍, ଆୱିତିସ୍ ଏପେଙ୍ଗ୍ ଈଶ୍ୱର ଆଦେସ୍ତିଙ୍ଗ୍ ମାନି କିଦେଙ୍ଗ୍ ଇଚା କିନାଦେର୍, ଇମ୍ଣାକା ମିଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍ନାତ୍। 17 ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍ତି ହିକ୍ଷାତିଙ୍ଗ୍ ଗରବ୍ତାଙ୍ଗ୍ ମାନି କିନାଦେରା। 18 ଈଶ୍ୱର ମିଙ୍ଗେଙ୍ଗ୍ ପାପ୍ନି ଶାକ୍ତିତାଙ୍ଗ୍ ମୁକ୍ତି କିତ୍ତାନ୍ନା, ଏପେଙ୍ଗ୍ ପାପ୍ନି ଚାକର୍ ଆୱାଦାଙ୍ଗ୍ ଟିକ୍ କାମାୟ୍ କିନି କାଜିଙ୍ଗ୍ ଦରମ୍ନି ଚାକର୍ ଆତାଦେର୍ନା। 19 ଆନେଙ୍ଗ୍ ମିଙ୍ଗେଙ୍ଗ୍ ବୁଜାୟ୍ କିଦ୍ନି କାଜିଙ୍ଗ୍ ଚାକର୍ ଆରେ ମାଲିକ୍ କାତା ୱେଚ୍ଚାନାଙ୍ଗା, ଆଗେ ଏପେଙ୍ଗ୍ ଅଦରମ୍ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଦରମ୍ନି ଚାକର୍ ଆନି ଦର୍କାର୍, ଲାଗିଙ୍ଗ୍ ଏପେଙ୍ଗ୍ ପବିତ୍ର ମାନାୟ୍ ଆଦେଙ୍ଗ୍ ଆଡ୍ନାଦେର୍। 20 ଏପେଙ୍ଗ୍ ଏଚେପାଦ୍ନା ପାପ୍ନି ଚାକର୍ ଆଜି ମାଚାଦେର୍, ଏପେଙ୍ଗ୍ ଦରମ୍ କାମାୟ୍ କିଦେଙ୍ଗ୍ ଆଡ୍ୱାଦାଙ୍ଗ୍ ମାଚାଦେର୍। 21 ଏଚେପାଦ୍ନା ଏପେଙ୍ଗ୍ ପାପ୍ନି ଚାକର୍ ଆଜି ମାଚାଦେର୍, ହେପାଦ୍ନା ଏପେଙ୍ଗ୍ କରାପ୍ କାମାୟ୍ କିଜି ମାଚାଦେର୍ ଆରେ ଏପେଙ୍ଗ୍ ନଙ୍ଗୟ୍ ହେଦାଙ୍ଗ୍ କାଜିଙ୍ଗ୍ ଲାଜା ଆନାଦେରା। ଲାଗିଙ୍ଗ୍ ଏପେଙ୍ଗ୍ ଇନାକା ଆର୍ଜା ଆତାଦେର୍ନା ହେଦାଙ୍ଗ୍ନେ ମି କାଜିଙ୍ଗ୍ ମାରାଣ୍ ତାନାତ୍। 22 ମାତର୍ ନଙ୍ଗୟ୍ ଏପେଙ୍ଗ୍ ପାପ୍ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍ନା ଆରେ ଈଶ୍ୱରତାକେ ଚାକର୍ ଆତାଦେର୍ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା। 23 ଇନେସ୍କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍। |
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
Beyond Translation