ହତ୍ତି 20 - New Testament in Pengo Parja Languageଯୀଶୁ ହାଜାର୍ ବାର୍ହୁ ପୁର୍ତିତିଙ୍ଗ୍ ସାସନ୍ କିନି ବିଷୟ 1 ତା ତାପାଚେ ସରଗ୍ତାଙ୍ଗ୍ ର ଦୁତ୍ ଯୁଜି ୱାନାକା ଆନେଙ୍ଗ୍ ହୁଡ଼୍ତାଙ୍ଗ୍, ହେୱାନ୍ ତା କେଇଦ ପାତାଳ୍ନି କୁଚିକାଡିଙ୍ଗ୍ ଆରେ ରଞ୍ଜି ବେସି ଅଜନ୍ ମାନି ଲୱାତାଙ୍ଗ୍ ରସ୍ତି ହିକ୍ଡ଼ିଙ୍ଗ୍ ଆସ୍ତି ମାଚାନ୍। 2 ହେ ଦୁତ୍ ହେ ଗାଜା ରାଚ୍ ଇନେର୍କି ଗାଜା ଶୟତାନ, ତାଙ୍ଗେଙ୍ଗ୍ ଲୱା ହିକ୍ଡ଼ିଙ୍ଗ୍ ହୁଦାଙ୍ଗ୍ ଗାଚ୍ଚି ହାଜାର୍ ବାର୍ହୁ କାଜିଙ୍ଗ୍ ପାତାଳ୍ କୁଣ୍ଡ୍ତାକେ ତୁସିହିତାନ୍। 3 ଆରେ, ତାଙ୍ଗେଙ୍ଗ୍ ପାତାଳ୍ କୁଣ୍ଡ୍ତାକେ ତୁସିହିତି ପାଚେ ହେ ପାତାଳ୍ କୁଣ୍ଡ୍ନି କାପାଟ୍ତିଙ୍ଗ୍ ବନ୍ଦ୍ କିତାନ୍। ଆରେ କାପାଟ୍ ଜପି ଈଶ୍ୱରତି ସିଲ୍ ଇଡ଼୍ତାତ୍। ଲାଗିଙ୍ଗ୍ ହେ ଶୟତାନ ହାଜାର୍ ବାର୍ହୁ ସାସନ୍ କିନାକା ସେସ୍ ଆୱି ପାତେକ୍ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ହେୱାନ୍ ଟକାୟ୍ କିଦେଙ୍ଗ୍ ଆଡୁତ୍। ମାତର୍ ଅଲପ୍ଦିନ୍ କାଜିଙ୍ଗ୍ ହେ ଶୟତାନତିଙ୍ଗ୍ ପାତାଳ୍ କୁଣ୍ଡ୍ତାଙ୍ଗ୍ ହପ୍ତାନାତ୍। 4 ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍ତାଙ୍ଗ୍, ଆରେ ହେ ସିଙ୍ଗାସନ୍ତାକେ କୁଚ୍ଚି ମାଚି ମାନାୟାରିଙ୍ଗ୍ ବିଚାର୍କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍ତ ହଣ୍ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍। 5 ହେୱାର୍ ଆରେରଗ ଜିବୁନ୍ ଆନାକା ନେ ପାର୍ତୁମ୍ ମାରାଣ୍ତାଙ୍ଗ୍ ନିଙ୍ଗ୍ନାକା, ଆରେ ହେୱାର୍ ହାଜାର୍ ବାର୍ହୁ ସାସନ୍ କିନାକା ୱିଜ୍ୱି ପାତେକ୍ ଆରେ ଜେକନିକାର୍ ହାଃତାକାର୍ ଆରେରଗ ଜିବୁନ୍ ଆଉର୍। 6 ଇମ୍ଣି ମାନାୟାର୍ ପାର୍ତୁମ୍ ହାଃତିତାଙ୍ଗ୍ ଆରେରଗ ଜିବୁନ୍ ଆନାର୍। ହେୱାର୍ ପବିତ୍ର ଆରେ ଆଶ୍ରିବାଦ୍ ପାୟା ଆତାକାର୍, ହେୱାର୍ ଆରେରଗ ହାଃଉର୍। ମାତର୍ ହେୱାର୍ ଈଶ୍ୱର ଆରେ ଖ୍ରୀଷ୍ଟଙ୍ଗ୍ ପୁଜାରିର୍ ଆନାର୍, ଆରେ ହେୱାର୍ ହୁଦାଙ୍ଗ୍ ମାହାଆଜି ହାଜାର୍ ବାର୍ହୁ ସାସନ୍ କିନାର୍। ଶୟତାନତିଙ୍ଗ୍ ଆରାୟ୍ କିତି ବିଷୟ 7 ଏଚେପାଦ୍ନା ହାଜାର୍ ବାର୍ହୁ ସାସନ୍ କିନାକା ସେସ୍ ଆନାତ୍, ହେ ଦୁତ୍ ଶୟତାନତିଙ୍ଗ୍ ପାତାଳ୍ କୁଣ୍ଡ୍ତାଙ୍ଗ୍ ହସି ୱାଦେଙ୍ଗ୍ ଅନୁମତି ହିନାତ୍। 8 ଲାଗିଙ୍ଗ୍ ହେ ଶୟତାନ ପୁର୍ତିତାକେ ମାନି ୱିଜୁ ଜାତିନି ମାନାୟାରିଙ୍ଗ୍, ତା ଅର୍ତ, ହାମ୍ଦୁର୍ନି ବାଲିଆ ଗୋଗ୍ ଆରେ ମାଗୋଗ୍ଲେକେ ମାନାୟାରିଙ୍ଗ୍ ଟକାୟ୍ କିନାତ୍ ଆରେ ୱିଜୁ ମାନାୟାରିଙ୍ଗ୍ ଯୁଜ୍ କିଦେଙ୍ଗ୍ ରବେ ରୁଣ୍ଡାୟ୍ କିନାତ୍। 9 ହେ ଶୟତାନନି ମାନାୟାର୍ ପୁର୍ତିନି ୱିଜୁ ନିପଣ୍ ବାର୍ତି ଆନାର୍, ଆରେ ଈଶ୍ୱର ମାନାୟାରିଙ୍ଗ୍ ଆରେ ଈଶ୍ୱର ଲାଡ୍କିନି ସହର୍ତିଙ୍ଗ୍ ଚାରିବେଣ୍ତାଙ୍ଗ୍ ମୁକ୍ନାର୍। ମାତର୍ ସରଗ୍ତାଙ୍ଗ୍ ନାଣି ବାର୍ହା ୱାଜି ତା ସେନାରିଙ୍ଗ୍ କାଡିକିନାତ୍। 10 ଲାଗିଙ୍ଗ୍ ଶୟତାନ ଇନେର୍କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍ନି କୁଣ୍ଡ୍ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍କି ମିଚ୍ ୱେଚ୍ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍। ସେସ୍ ବିଚାର୍ 11 ତାପାଚେ ଆନେଙ୍ଗ୍ ର ଗାଜା ଡ଼ିଞ୍ଜ୍ନି ସିଙ୍ଗାସନ ହୁଡ଼୍ତାଙ୍ଗ୍, ହେବେ ଈଶ୍ୱର କୁଚ୍ଚି ମାଚାନ୍। ଇମ୍ଣି ବାହାତାକେ ଈଶ୍ୱର କୁଚ୍ଚି ମାଚାନ୍, ହେବେ ପୁର୍ତି ଆରେ ବାଦାଡ଼୍ ଡ଼ୁକ୍ତାତ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍ଦେଙ୍ଗ୍ ଆଡ୍ୱାତାର୍। 12 ତାପାଚେ ଆନେଙ୍ଗ୍ ହୁଡ଼୍ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍ତିଙ୍ଗ୍ ଈଶ୍ୱର ବିଚାର୍ କିତାନ୍। 13 ହେପାଦ୍ନା ହାମ୍ଦୁର୍ତାକେ ହାଃତାକାର୍ ଆରେ ପାତାଳ୍ତାକେ ମାଚି ମାନାୟାର୍ ନିଙ୍ଗ୍ଞ୍ଜି ୱାତାର୍। ହେୱାରିଙ୍ଗ୍ ତା କାମାୟ୍ ଅନୁସାରେ ଈଶ୍ୱର ବିଚାର୍ କିତାନ୍। 14-15 ତାପାଚେ ଇମ୍ଣି ମାନାୟାର୍ ତର୍ ହେ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାଦାଙ୍ଗ୍ ମାଚିସ୍ ଈଶ୍ୱର ହେୱାରିଙ୍ଗ୍ ପାତାଳ୍ନି ନାଣି ଆହ୍ନି କୁଣ୍ଡ୍ତାକେ ତୁସିହିନାନ୍। ଇନେସ୍କି ଇମ୍ଣି ମାନାୟାର୍ ତର୍ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାତାତ୍ନା, ହେୱାରିଙ୍ଗ୍ ନାଣି ଆହ୍ନି କୁଣ୍ଡ୍ତାକେ ତୁସିହିତାନ୍ନା। ଇ ନାଣି ଆହ୍ନି କୁଣ୍ଡ୍ତାକେ ଦଣ୍ଡ୍ ପାୟାଆନାକା ନେ ଦୁଇ ନମ୍ବର୍ ମାରାଣ୍। |
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
Beyond Translation