ହତ୍ତି 10 - New Testament in Pengo Parja Languageସରଗ୍ନି ଦୁତ୍ ଯୋହନତିଙ୍ଗ୍ ହିରୁ ବହି ହିତି କାତା 1 ତାପାଚେ ଆରେ ରଞ୍ଜି ବେସି ଶାକ୍ତି ମାଚି ଦୁତ୍ ବାଦାଡ଼୍ତାଙ୍ଗ୍ ଜୁଜି ୱାନାକା ଆନେଙ୍ଗ୍ ହୁଡ଼୍ତାଙ୍ଗ୍, ତା କାପ୍ଡ଼ା ଜପି ତୁବ୍ଡ଼ାରାଚ୍ ମାଚାତ୍। ତା ମୁମ୍ ୱେଡ଼ାଲେକେ ଅଜଡ଼୍ ମାଚାତ୍ ଆରେ କାଲ୍କୁ ନାଣି ଆହ୍ନି ପଲ୍ ମୁଣ୍ଡାଲେକେ ଚନ୍ଞ୍ଜି ମାଚାତ୍। 2 ଆରେ ତା କେଇଦ ର ହୁର୍ୱିତି ହିରୁ ସାସ୍ତର୍ ମାଚାତ୍। ହେୱାନ୍ ହାମ୍ଦୁର୍ କାଣ୍ଡିତାକେ ତିନି କାଲ୍ ଆରେ ମେଦ୍ନିତାକେ ଡେବା କାଲ୍ କିଜି ନିଲ୍ଚି ମାଚାନ୍। 3 ଆରେ ହେୱାନ୍ ସିଂହ ବୁର୍କା ଗାର୍ଜା ଆତିଲେକେ ଗାଜାକାଟ୍ କିଜି ୱେଚ୍ଚାନ୍। ଏଚେପାଦ୍ନା ହେୱାନ୍ ଗାଜାକାଟ୍ କିଜି ୱେଚ୍ଚାନ୍ ସାତ୍ଗଟା ବାଦାଡ଼୍ ଗାର୍ଜାନ୍ ଆତାତ୍। 4 ଏଚେପାଦ୍ନା ହେ ସାତ୍ଗଟା ବାଦାଡ଼ିଙ୍ଗ୍ ଉତର୍ ହିତିକ୍ ହେପାଦ୍ନା ଆନେଙ୍ଗ୍ ବହିତାକେ ଲେକିକିଦେଙ୍ଗ୍ ଜାଗ୍ରତ୍ ଆଜି ମାଚାଙ୍ଗ୍। ମାତର୍ ସରଗ୍ତାଙ୍ଗ୍ ଇନେର୍ ରକାନ୍ ନାଙ୍ଗେଙ୍ଗ୍ ହିର୍ବାଆତ୍ତାନ୍, “ସାତ୍ଗଟା ବାଦାଡ଼ିଙ୍ଗ୍ ୱେଚ୍ଚିତି କାତାତିଙ୍ଗ୍ ଡ଼ୁକ୍ଚି ଇଟା। ହେଦାଙ୍ଗ୍ ଏନେଙ୍ଗ୍ ଲେକି କିମା।” 5 ତାପାଚେ ହେ ବେସି ଶାକ୍ତିମାନି ଦୁତ୍ ହାମ୍ଦୁର୍ ଆରେ ପୁର୍ତିନି ମେଦ୍ନି ଜପି ଇନେର୍ ନିଲ୍ଚି ମାଚାନ୍ ହେୱାନ୍ ତା ତିନାକେଇ ସରଗ୍ ନିପଣ୍ ଲାମାୟ୍ କିତାନ୍। 6 ଆରେ ହେୱାନ୍ ୱିଜୁଦିନ୍ ଜିବୁନ୍ ମାନି ଈଶ୍ୱର, ଇନେର୍ ସରଗ୍ ଆରେ ହେବେ ମାନି ୱିଜୁ ଜିନିଷ୍ ଉବ୍ଜାଇ କିତାନ୍ନା। ଇନେର୍ ପୁର୍ତି ଆରେ ପୁର୍ତିନି ୱିଜୁ ଜିନିଷ୍ ଉବ୍ଜାଇ କିତାନ୍ନା ଆରେ ଇନେର୍ ହାମ୍ଦୁର୍ ଆରେ ହେବେ ମାନି ୱିଜୁ ଜିନିଷ୍ ଉବ୍ଜାଇ କିତାନ୍ନା ତା ତର୍ଦାଙ୍ଗ୍ ରାଣ୍ କିଜି ୱେଚ୍ଚାନ୍, “ଈଶ୍ୱର ଆରେ ଲେଟ୍ କିଉନ୍। 7 ମାତର୍ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁବ୍ନାତ୍, ଈଶ୍ୱରତି ଚାନିଆଆନି ଡ଼ୁକ୍ତି ଉପାୟ୍ ପୁରାଆନାତ୍। ହେଦାଙ୍ଗ୍ ତା ଦାସ୍ରିଙ୍ଗ୍ ଭବିଷ୍ଯତବକ୍ତା ୱେଚ୍ଚି ହାର୍ଦିକାବୁର୍ କାତାଲେକେ ଗଟାଆନାତ୍।” 8 ତାପାଚେ ସରଗ୍ତାଙ୍ଗ୍ ଆରେରଗ ନାଙ୍ଗେଙ୍ଗ୍ ହିର୍ବିସ୍ ୱେଚ୍ଚାତାର୍, “ହାଲା ଆରେ ହେ ଦୁତ୍ ଆସ୍ତିମାଚି ସାସ୍ତର୍ତିଙ୍ଗ୍ ଅୱା ଇମ୍ଣି ଦୁତ୍ ହାମ୍ଦୁର୍ ଆରେ ମେଦ୍ନିତ ନିଲ୍ତାତ୍ନା। 9 ଲାଗିଙ୍ଗ୍ ଆନେଙ୍ଗ୍ ତା ଲାଗାୟ୍ ହାଚାଙ୍ଗ୍ ଆରେ ହେ ହିରୁ ସାସ୍ତର୍ ନାଙ୍ଗେଙ୍ଗ୍ ହିଦା ଇଞ୍ଜି ଏନ୍ତାଙ୍ଗ୍, ହେ ଦୁତ୍ ୱେଚ୍ଚାତ୍, ଆଁ ଇଦାଙ୍ଗ୍ ଅୱା ଆରେ ତିନା। ପାର୍ତୁମ୍ ନିଙ୍ଗେଙ୍ଗ୍ ପୁକି ଚିଚିଲେକେ ହୱାଦ୍ ଆଦ୍ନାତ୍, ମାତର୍ ଏଚେପାଦ୍ନା ତାଙ୍ଗେଙ୍ଗ୍ ଗୁହ୍ନାୟ୍, ହେଦାଙ୍ଗ୍ ନି ପଟତିଙ୍ଗ୍ ହଇ କିଦ୍ନାତ୍। 10 ଲାଗିଙ୍ଗ୍ ଆନେଙ୍ଗ୍ ହେ ଦୁତ୍ତାଙ୍ଗ୍ ହେ ହିରୁ ସାସ୍ତର୍ ଅତାଙ୍ଗ୍ ଆରେ ଚିଚାଙ୍ଗ୍, ହେଦାଙ୍ଗ୍ ନା ୱେଇଦିଙ୍ଗ୍ ହୱାଦ୍ ଆତ୍ତାତ୍, ମାତର୍ ହେଦାଙ୍ଗ୍ ନା ପଟତିଙ୍ଗ୍ ହଇ କିତ୍ତାତ୍। 11 ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ୱେଚ୍ଚାତାନ୍, ଏନେଙ୍ଗ୍ ବେସିହେନି ମାନାୟାର୍ କାଜିଙ୍ଗ୍, ବେସି ଜାତିର୍ କାଜିଙ୍ଗ୍, ୱିଜୁ ବାଷା କାଜିଙ୍ଗ୍ ଆରେ ବେସି ରାଜାର୍ କାଜିଙ୍ଗ୍ ଈଶ୍ୱର ୱେଚ୍ଚି କାତା ଏନେଙ୍ଗ୍ ୱେନ୍ଞ୍ଜି ହେୱାରିଙ୍ଗ୍ ୱେଚ୍ନି ଦର୍କାର୍।” |
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
Beyond Translation