୧ ପିତର 5 - New Testament in Pengo Parja Languageପିତର ମଣ୍ଡ୍ଲିନି ନେତାରିଙ୍ଗ୍ ଆରେ ଦାଙ୍ଗ୍ଣା ହିମ୍ଣାକାଙ୍ଗ୍ ହିକ୍ଷା ହିତି ବିଷୟ 1 ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍ଲିନି ପ୍ରାଚିନ୍ ଆତାଙ୍ଗ୍ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍ତାଙ୍ଗ୍ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍ନାଙ୍ଗା। 2 ଇମ୍ଣାକାର୍ ଈଶ୍ୱର ଲକ୍ ଆତାର୍ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍ତାନ୍ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍। 3 ଈଶ୍ୱର ମିଙ୍ଗେଙ୍ଗ୍ ହିତ୍ତି ମାନାୟାରିଙ୍ଗ୍ ସାସନ୍ କିମାଟ୍, ମାତର୍ ହାର୍ କାମାୟ୍ କିୟାଟ୍ ହେୱାର୍ ମିଙ୍ଗେଙ୍ଗ୍ ହୁଡ଼୍ଜି ହିକାଆନାର୍। 4 ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍ନି ପୁରଷ୍କାର୍ଲେକେ ର ମୁକୁଟ୍ ହିଦ୍ନାନ୍, ଆରେ ତା ହଲ୍ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍ମାନ୍ ହିଦ୍ନାନ୍। 5 ହେଲେକେ ଏ ଦାଙ୍ଗ୍ଣା ହିମ୍ଣା କାଦେର୍, ଏପେଙ୍ଗ୍ ମଣ୍ଡ୍ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍ଆଜି ଜାର୍-ଜାର୍ତିଙ୍ଗ୍ ହେବା କିବା ଆଡ, ଇନେସ୍କି ସାସ୍ତର୍ତାକେ ଲେକାଆତାତ୍ନା, “ଈଶ୍ୱର ବାଟ୍ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।” 6 ହେଦାଙ୍ଗ୍ କାଜିଙ୍ଗ୍ ୱିଜୁ ଶାକ୍ତିମାନି ଈଶ୍ୱର ମୁମ୍ଦ ଜାର୍ତିଙ୍ଗ୍ ଦରମ୍ ଆଡ, ଲାଗିଙ୍ଗ୍ ଟିକ୍ ସମୟରେ ଈଶ୍ୱର ମିଙ୍ଗେଙ୍ଗ୍ ସନ୍ମାନ୍ ହିଦ୍ନି କାଜିଙ୍ଗ୍ ଗାଜାକାନ୍ କିଦ୍ନାନ୍। 7 ଏପେଙ୍ଗ୍ ଈଶ୍ୱରତିଙ୍ଗ୍ ମି ୱିଜୁ ଚିନ୍ତାତିଙ୍ଗ୍ ୱେଚାଟ୍, ଇନେସ୍କି ମି କାଜିଙ୍ଗ୍ ଈଶ୍ୱର ଚିନ୍ତା କିନାନା। 8 ଏପେଙ୍ଗ୍ ମି ମାନ୍ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍କି ମି ଶାତୃ ଶୟତାନ ନି ସିଂହ ବୁର୍କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍ତାଙ୍ଗ୍ ଡେକ୍ଚି ବୁଲା ଆନାତା। 9 ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ହେ ଶୟତାନତିଙ୍ଗ୍ ବିରଦ୍ କିୟାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ଏପେଙ୍ଗ୍ ଦୁଃକ୍ କଷ୍ଟ ପାୟା ଆତିଲେକେ ଇ ପୁର୍ତିନି ଖ୍ରୀଷ୍ଟଙ୍ଗ୍ ୱିଜାର୍ ମାନାୟାର୍ ହେଲେକେ ଦୁଃକ୍ କଷ୍ଟ ପାୟାଆନାରା। 10 ଈଶ୍ୱର ମାଙ୍ଗେଙ୍ଗ୍ ଦୟା କିତ୍ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍ନି କାଜିଙ୍ଗ୍ ବାଚି କିତ୍ତାନ୍ନା। ଏପେଙ୍ଗ୍ ଅଲପ୍ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍ଲେକେ କିଦ୍ନାନ୍। 11 ଈଶ୍ୱର ୱିଜୁଦିନ୍ ସନ୍ମାନ୍ ପାୟାଆନି ଅଦିକାର୍ ମାନାତ୍, ଇନେସ୍କି ତା ଶାକ୍ତି ଇନାୱେଡ଼ାଙ୍ଗ୍ ପା ୱିଜୁତ୍। ଆମେନ୍। ପିତର ହାରିହାରା ୱିଜାରିଙ୍ଗ୍ ଜୱାର୍ କିତାନ୍ 12 ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଶିଲା ସାଇଜତାଙ୍ଗ୍ ଇ ହିରୁ ଚିଟି ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ତା ବିଷୟରେ ମିଙ୍ଗେଙ୍ଗ୍ ୱେଚ୍ଚି ମାନ୍ଞ୍ଚାଙ୍ଗ୍ ଯେ, ହେୱାନ୍ ରକାନ୍ ହାର୍ଦାଙ୍ଗ୍ ପାର୍ତିକିନାକାନ୍। ଆନେଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍ନି କାଜିଙ୍ଗ୍ ଆରେ ଈଶ୍ୱର ମିଙ୍ଗେଙ୍ଗ୍ ଦୟା କିତ୍ତି କାଜିଙ୍ଗ୍ ଇ ୱିଜୁ ଗଟାଆନାତା, ହେଦାଙ୍ଗ୍ ପୁନି କିଦ୍ନି କାଜିଙ୍ଗ୍ ଇ ଚିଟି ଲେକିକିନାଙ୍ଗା। 13 ଈଶ୍ୱର ବାଚିକିଜି ମାଚି ବାବିଲନ୍ ସହର୍ନି ମଣ୍ଡ୍ଲିନି ପାର୍ତି କିନାକାର୍ ଆରେ ନା ମାଜି ଲେକେ ମାର୍କ ମିଙ୍ଗେଙ୍ଗ୍ ଜୱାର୍ କିଦ୍ନାରା। 14 ଏପେଙ୍ଗ୍ ଖ୍ରୀଷ୍ଟାନ୍ନି ଲାଡ୍ତାଙ୍ଗ୍ ଏପେଙ୍ଗ୍ ଜାର୍-ଜାର୍ବିତ୍ରେ ଜୱାର୍ କିବା ଆଡ। ଏପେଙ୍ଗ୍ ଏଚେଜାଣ୍ ଖ୍ରୀଷ୍ଟର୍ ଲକ୍ ଆତାଦେର୍ନା ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍। |
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
Beyond Translation