Psalm 99 - Pennsylvania Dutch Bible

Da 99. Psalm. Gott, Da Heilich Kaynich

¹ Da Hah is Kaynich, loss di leit ziddahra; eah hokt uf em kaynich-shtool zvishich di cherubim, loss di eaht shidla.

² Da Hah is grohs in Zion, un is hohch ovvich awl di leit.

³ Loss si dei grohsah un vundahboahrah nohma preisa— eah is heilich!

⁴ Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

⁵ Hayvet da Hah unsah Gott uf, baydet een oh fannich seim foos-shtool; eah is heilich!

⁶ Da Mosi un da Aaron voahra sei preeshtah, da Samuel voah funn selli es sei nohma ohgroofa henn. Si henn da Hah ohgroofa, un eah hott eena andvat gevva.

⁷ Eah hott kshvetzt zu eena aus em volka-poshta, un si henn sei zeiknisa un gebodda kalda, dee es eah eena gevva hott.

⁸ Oh Hah unsah Gott, du hosht eena andvat gevva, du voahsht zu eena en Gott es fagebt, avvah doch, hosht du si kshtrohft fa iahra sinda.

⁹ Hayvet da Hah unsah Gott uf, deenet een an sei heilichah berg. Fa da Hah unsah Gott is heilich.