Psalm 87 - Pennsylvania Dutch Bible

Da 87. Psalm. Lohb Un Preis Ivvah Di Shtatt Funn Gott

En Psaltah-Leet funn di kinnah fumm Korah.

¹ Da Hah hott sei shtatt gebaut uf em heilicha hivvel.

² Da Hah hott di doahra funn Zion oahrich leeb, may es awl di voon-bletz fumm Jakob.

³ Hallichi sacha vadda kshvetzt veyyich diah, oh shtatt funn Gott: (Sela)

⁴ “Ich zayl Egypta un Babylon mitt selli es mich kenna, un aw Philishtia, Tyrus un Ethiopia— Si sawwa, ‘Deah do voah datt geboahra.’”

⁵ Un veyyich Zion vatt's ksawt, “Deah un sellah voah datt geboahra, un da Alli-Haychsht selvaht baut di shtatt uf.”

⁶ Da Hah zayld di leit vi eah si uf shreibt, un sawkt, “Deah do voah datt geboahra.” (Sela)

⁷ No doon awl di singah un dansah singa, “Awl mei frayt kumd funn Zion.”