Psalm 146 - Pennsylvania Dutch Bible

Da 146. Psalm. Lohb Zu Gott Fa Sei Hilf

¹ Halleluja! Lohb da Hah, mei sayl.

² Ich vill da Hah lohva so lang es ich layb, un lohb singa zu meim Gott so lang es ich do binn.

³ Falosset eich nett uf di evvahshta; si sinn yusht mensha, un kenna eich nett helfa.

⁴ Vann iahra geisht si falost, dann vadda si viddah eaht, uf sellah dawk drayt alles zu nix es si im sinn henn zu du.

⁵ Ksaykend is sellah es sei hilf grikt fumm Jakob sei Gott, sellah es sich falost uf da Hah, sei Gott,

⁶ deah es da himmel, di eaht un da say gmacht hott, un alles es drinn is; deah vo shtandhaftich is fa'immah,

⁷ deah es recht dutt zu selli es nunnah gedredda sinn, un gebt ess-sach zu di hungahricha. Da Hah macht di kfangana frei.

⁸ Da Hah macht di blinda sayna. Da Hah haybt selli uf es nunnah gebohwa sinn, da Hah leebt di gerechta.

⁹ Da Hah vatsht ivvah di fremda; eah gebt acht uf di kinnah unni eldra un di vitt-veivah, avvah da vayk funn di gottlohsa bringd eah zu nix.

¹⁰ Da Hah is kaynich fa'immah, dei Gott, oh Zion, roold ayvichlich. Halleluja!