Psalm 133 - Pennsylvania Dutch Bible

Da 133. Psalm. Breedahlichi Aynichkeit

Fumm Dawfit. En leet fa ksunga sei uf em vayk nuff an Jerusalem.

¹ Gukket moll! Vi goot un shay es es is vann breedah bei-nannah voonah in aynichkeit.

² Es is vi keshtlich salb-ayl uf em kobb, es runnah lawft uf da boaht, es runnah lawft uf em Aaron sei boaht, runnah uf da kallah funn sei glaydah.

³ Es is vi da dau fumm Berg Hermon, es runnah fald uf di hivla funn Zion, fa datt gebt da Hah sei sayya, un dess is layva fa'immah un immah.