Psalm 129 - Pennsylvania Dutch Bible

Da 129. Psalm. En Gebayt Es Di Feinda Funn Israel Ivvah-Kshmissa Vadda

En leet fa ksunga sei uf em vayk nuff an Jerusalem.

¹ Si henn mich oft veesht fafolkt funn meim yungem uf. Nau loss Israel sawwa,

² Si henn mich veesht fafolkt funn meim yungem uf, avvah si sinn mich nett ivvah-kumma.

³ Di blooks-leit henn mei bukkel geblookt, si henn iahra feichta lang gmacht.

⁴ Avvah da Hah is gerecht, eah hott mich frei kshnidda funn di gottlohsa iahra shtrikk.

⁵ Loss awl selli es Zion hassa kshohmd sei un zrikk gedrivva sei.

⁶ Loss si sei vi graws es uf em haus-dach vaxt, es favelkt eb's ufvaxa kann.

⁷ Da graws-shneidah kann sei hand nett filla mitt sell graws, un da shayb-binnah kann aw nett sei oahm filla mitt.

⁸ Nimmand es fabei gayt zayld sawwa, “Em Hah sei sayya sei ivvah eich; miah saykna eich im nohma fumm Hah.”