Psalm 128 - Pennsylvania Dutch Bible

Da 128. Psalm. Da Mann Es Zufridda Is

En leet fa ksunga sei uf em vayk nuff an Jerusalem.

¹ Ksaykend is alli-ebbah es da Hah fircht, un in seim vayk lawft.

² Du esht di frucht es dei hend kshaft henn difoah; du zaylsht froh sei un's zayld goot gay mitt diah.

³ Dei fraw zayld sei vi en fruchtboahrichah vei-shtokk, drinn in dei haus. Dei kinnah zayla sei vi yungi ayl-baym um dei dish rumm.

⁴ Saynsht du, so vatt da mann ksaykend es da Hah fircht.

⁵ Da Hah zayld dich saykna funn Zion; un du zaylsht sayna es es goot gayt fa Jerusalem awl di dawwa funn dei layva,

⁶ un du zaylsht layva fa dei kinnah iahra kinnah sayna. Fridda sei uf Israel!