Psalm 127 - Pennsylvania Dutch Bible

Da 127. Psalm. Alles Goodes Kumd Fumm Hah

Fumm Solomon. En leet fa ksunga sei uf em vayk nuff an Jerusalem.

¹ Vann da Hah's haus nett baut, dann is di eahvet funn di shaff-leit fa nix. Vann da Hah nett ivvah di shtatt vatsht, dann doon di vatshah es vatsha fa nix.

² Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.

³ Kinnah sinn en kshenk fumm Hah, un di frucht fumm muddahs-leib is gevva bei eem.

⁴ Vi arrows in di hand fumm greeks-gnecht, so sinn di boova es geboahra sinn zu ebbah es noch yung is.

⁵ Ksaykend is da mann es sei arrow-sakk foll hott mitt si. Si vadda nett kshohmd vann si shvetza mitt iahra feinda im doah.