Psalm 125 - Pennsylvania Dutch Bible

Da 125. Psalm. Da Hah Gebt Acht Uf Sei Leit

En leet fa ksunga sei uf em vayk nuff an Jerusalem.

¹ Selli es in da Hah drauwa, sinn vi da Berg Zion es nett gmooft sei kann, un shtayt ayvichlich.

² Vi di berga um Jerusalem rumm shtayn, so shtayt da Hah um sei leit rumm, funn nau un fa'immah.

³ Da zeptah funn di gottlohsa zayld nett ivvah's land bleiva es gevva is zu di gerechta, adda di gerechta mechta iahra hend naus shtrekka un letz du.

⁴ Oh Hah, du goot zu selli es goot sinn, un zu selli es ufrichtich im hatz sinn.

⁵ Avvah selli es vekk drayya uf iahra grummi vayya, dutt da Hah vekk fiahra mitt di evil-shaffah. Fridda sei ivvah Israel!