Psalm 122 - Pennsylvania Dutch Bible

Da 122. Psalm. Lohb Sei Zu Jerusalem

En leet fa ksunga sei uf em vayk nuff an Jerusalem. Fumm Dawfit.

¹ Ich voah froh vo si ksawt henn zu miah, “Vella nuff an's haus fumm Hah gay.”

² Nau sinn unsah fees am shtay inseit dei doahra, oh Jerusalem.

³ Jerusalem is gebaut es en shtatt vo leit zammah kumma sella.

⁴ Datt is vo di shtamma nuff anna gayn, di shtamma fumm Hah, vi's gebodda is fa Israel, es si dank gevva sella im Hah sei nohma.

⁵ Fa datt shtayn di richtah-shteel, di shteel fumm haus fumm Dawfit.

⁶ Baydet fa fridda in Jerusalem: “Loss es goot gay mitt selli es dich leeb henn.

⁷ Loss fridda sei inseit dei vanda, un kenn kfoah sei inseit dei kaynich-heisah.”

⁸ Fa di sayk funn mei breedah un freind, vill ich diah fridda vinsha.

⁹ Fa di sayk fumm Hah unsah Gott sei haus, vill ich's beshta sucha fa dich.