Psalm 121 - Pennsylvania Dutch Bible

Da 121. Psalm. Da Heedah Funn Israel

Fumm Dawfit. En leet fa ksunga sei uf em vayk nuff an Jerusalem.

¹ Ich gukk nuff zu di hivla; vo mei hilf kumd difunn?

² Mei hilf kumd fumm Hah, deah vo da himmel un di eaht gmacht hott.

³ Eah zayld dei foos nett shlibba lossa, un sellah es dich heet dutt nett shlohfa.

⁴ Gukk moll, da heedah funn Israel vatt nett shlayfahrich un shlohft ei.

⁵ Da Hah vatsht ivvah dich— da Hah is shadda fa dich uf dei rechtsi seit.

⁶ Di sunn zayld diah kenn shawda du deich da dawk, adda da moon deich di nacht.

⁷ Da Hah zayld dich heeda funn alles eviles; eah heet dei sayl.

⁸ Da Hah zayld ivvah dich vatsha diveil es du am naus gay bisht un am rei kumma bisht, funn nau on un fa'immah.