Psalm 120 - Pennsylvania Dutch Bible

Da 120. Psalm. En Gebayt Fa Hilf

En leet fa ksunga sei uf em vayk nuff an Jerusalem.

¹ Ich roof zumm Hah in mei noht, un eah gebt miah andvat.

² Mach mei sayl frei, oh Hah, funn leftz es leeya un en zung es fafiaht.

³ Du falshi zung, vass zayld gedu sei zu diah? Vi zayld eah dich shtrohfa?

⁴ Eah zayld dich shtrohfa mitt en greeks-gnecht sei shaufi arrows, un mitt roht haysi kohla.

⁵ Es is miah vay, es ich voona muss unnich eich in Mesech, un in di tents funn Kedar.

⁶ Fa zu lang habb ich glaybt mitt leit es fridda hassa.

⁷ Ich binn fa fridda havva; avvah vann ich shvetz, dann sinn si fa greek havva.