Ezra 2 - Pennsylvania Dutch Bible

Es 2. Gabiddel. Selli Es Zrikk Kumma Sinn Funn Babylon

¹ Nau dess sinn di leit es als funn di landshaft Juda gvest voahra es zrikk ruff kumma sinn funn selli es kfanga voahra, un es da Nebukadnezar, da kaynich funn Babylon, vekk kfiaht katt hott zu Babylon. Si sinn zrikk zu Jerusalem un Juda kumma, yaydahs zu sei aykni shtatt.

² Si sinn kumma mitt em Serubabel, em Jesua, em Nehemia, em Seraia, em Reelaja, em Mordecai, em Bilshan, em Mispar, em Bigvai, em Rehum un em Baana. Dess sinn di nambahs funn di mennah funn di leit funn Israel:

³ di kinnah fumm Parosh 2,172

⁴ di kinnah funn Sephatia 372

⁵ di kinnah fumm Arah 775

⁶ di kinnah fumm Pahath-Moab (deich di kinnah fumm Jesua un em Joab) 2,812

⁷ di kinnah fumm Elam 1,254

⁸ di kinnah fumm Satthu 945

⁹ di kinnah fumm Sakkai 760

¹⁰ di kinnah fumm Bani 642

¹¹ di kinnah fumm Bebai 623

¹² di kinnah fumm Asgad 1,222

¹³ di kinnah fumm Adonikam 666

¹⁴ di kinnah fumm Bigvai 2,056

¹⁵ di kinnah fumm Adin 454

¹⁶ di kinnah fumm Ater (es aw Hiskia kaysa hott) 98

¹⁷ di kinnah fumm Bezai 323

¹⁸ di kinnah fumm Jorah 112

¹⁹ di kinnah fumm Hasum 223

²⁰ di kinnah fumm Gibbar 95

²¹ di mennah fumm di shtatt Bethlehem 123

²² di mennah funn di shtatt Netopha 56

²³ di mennah funn di shtatt Anathoth 128

²⁴ di mennah funn di shtatt Asmaveth 42

²⁵ di mennah funn di shtett Kiriath-Jearim, Kephira un Beeroth 743

²⁶ di mennah funn di shtett Rama un Geba 621

²⁷ di mennah funn di shtatt Michmas 122

²⁸ di mennah funn di shtett Beth-El un Ai 223

²⁹ di kinnah fumm Nebo 52

³⁰ di kinnah fumm Magbish 156

³¹ di kinnah fumm anra Elam 1,254

³² di kinnah fumm Harim 320

³³ di kinnah fumm Lod, Hadid un em Ono 725

³⁴ di mennah funn di shtatt Jericho 345

³⁵ di kinnah fumm Senaa 3,630.

Di Preeshtah Es Zrikk Kumma Sinn

³⁶ Di preeshtah voahra: Em Jedaia sei nohch-kummashaft deich da Jesua 973

³⁷ di kinnah fumm Immer 1,052

³⁸ di kinnah fumm Pashhur 1,247

³⁹ di kinnah fumm Harim 1,017

Di Lefiddah Es Zrikk Kumma Sinn

⁴⁰ Di Lefiddah voahra: di kinnah fumm Jesua un em Kadmiel, (deich di kinnah fumm Hodavia) 74

⁴¹ di singah voahra: Di kinnah fumm Asaph 128

⁴² di kinnah funn di doah-heedah voahra: Di kinnah fumm Sallum, em Ater, em Talmon, em Akkub, em Hatita un em Shobai alles zammah 139

⁴³ di tempel-gnechta voahra: Di kinnah fumm Ziha, fumm Hasupha, fumm Tabbaoth,

⁴⁴ fumm Keros, fumm Sia, fumm Padon,

⁴⁵ di kinnah fumm Lebana, fumm Hagaba, fumm Akkub,

⁴⁶ di kinnah fumm Hagab, fumm Salmai, fumm Hanan,

⁴⁷ di kinnah fumm Giddel, fumm Gahar, fumm Reaia,

⁴⁸ di kinnah fumm Rezin, fumm Nekoda, fumm Gasam,

⁴⁹ di kinnah fumm Usa, fumm Paseah, fumm Besai,

⁵⁰ di kinnah fumm Asna, fumm Meunim, fumm Nephusiter,

⁵¹ di kinnah fumm Bakbuk, fumm Hakupha, fumm Harhur,

⁵² di kinnah fumm Bazluth, fumm Mehida, fumm Harsa,

⁵³ di kinnah fumm Barkos, fumm Sisera, fumm Temah,

⁵⁴ di kinnah fumm Neziah, un fumm Hatipha.

⁵⁵ Di nohch-kummashaft fumm Solomon sei gnechta voahra: di kinnah fumm Sotai, fumm Sophereth, fumm Peruda,

⁵⁶ di kinnah fumm Jaala, fumm Darkon, fumm Giddel,

⁵⁷ di kinnah fumm Sephatia, fumm Hattil, fumm Pochereth, fumm Zebaim un fumm Ami.

⁵⁸ Di nohch-kummashaft funn di tempel-gnechta un em Solomon sei gnechta voahra 392.

⁵⁹ Dess sinn selli es ruff kumma sinn funn di shtett Tel-Melah, Tel-Harsha, Kerub, Addon un Immer, avvah si henn nett veisa kenna es iahra families funn di nohch-kummashaft funn Israel voahra:

⁶⁰ si voahra di kinnah fumm Delaia, fumm Tobia un fumm Nekoda 652

⁶¹ Selli es preeshtah voahra: di nohch-kummashaft fumm Hobaia, fumm Hakkoz un fumm Barsillai henn nett veisa kenna es si preeshtah voahra. (Da Barsillai hott em Barsillai funn Gilead sei maydel keiyaht, no hott eah sei fraw iahra family nohma gnumma.)

⁶² Dee henn's shreives funn iahra foah-feddah iahra nohch-kummashaft ufksucht avvah si henn si nett finna kenna, so voahra si nett alawbt fa preeshtah sei veil si unrein voahra.

⁶³ Un da govvenah hott's nett alawbt es si fumm heilicha preeshtah ess-sach essa daufa biss en preeshtah uf shtay hott kenna mitt em Urim un Thummim.

⁶⁴ Alles zammah selli es zrikk ganga sinn voahra 42,360,

⁶⁵ nayvich iahra 7,337 mansleit un veibsleit bunds-gnechta. Si henn aw 200 mansleit un veibsleit singah katt.

⁶⁶ Si henn 736 geil katt mitt 245 halb-aysla,

⁶⁷ 435 kamayla un 6,720 aysla.

⁶⁸ Vo si an's haus fumm Hah in Jerusalem kumma sinn, henn samm funn di family foah-gengah frei-villich gevva fa's haus funn Gott viddah ufbauwa vo's als kshtanna hott.

⁶⁹ Vi si henn kenna, henn si in's shtoah-haus gevva fa dee eahvet. Si henn 61,000 gold-shtikkah, 5,000 pund silvah un en 100 preeshtah-glaydah gevva.

⁷⁰ Di preeshtah, di Lefiddah, di singah, di doah-heedah, di tempel-gnechta un samm funn di anra leit sinn no in iahra aykni shtett gezowwa, un di ivvahricha Israeliddah sinn in iahra shtett gezowwa.