Psalms 82 - Holy Bible Nigerian Pidgin English

Na God Dey Judge

Asaf Song

¹ God stand for where en pipol gada put and E from der dey judge di oda gods

² sey, “Na how long una go dey judge like dis kon dey favor wiked pipol?

³ Poor pipol and doz wey nor get papa, make una judge dia kase well! Make una free poor pipol and doz wey dem dey opress.

⁴ Poor pipol and doz wey nor get help, make una save dem from wiked pipol!

⁵ But doz wey dey opress oda pipol, nor know anytin at-all. Dem bi fools! Dem dey waka anyhow for darkness, while all di foundashon for di eart dey skata.

⁶ I bin sey, ‘Una bi gods; bikos una bi di Most High God shidren.’

⁷ But naw, una go die like ordinary human being kon fall like evry oda leader.”

⁸ So my God, make Yu raiz-up kon judge di world, bikos na Yu get all di nashons.