Psalms 54 - Holy Bible Nigerian Pidgin English

Prayer For Proteshon From Enemies

David Song For Di Kwayamasta Wen Zif Pipol Go Ripot Am

¹ My God, make Yu kom with yor great pawa kon save mi! Make Yu defend mi with yor strent.

² My God, make Yu listin to my prayers. Make Yu listin to mi as I dey beg.

³ Bikos strenjas dey attack mi; wiked pipol dey try to kill mi and dem nor kare about God.

⁴ But na God dey help mi. Na God dey keep my life!

⁵ Make evry wiked plan wey my enemies dey plan, turn back go meet dem.

⁶ I go just give Yu sakrifice on my own! My Oga God, I go praiz yor name, bikos e dey good and

⁷ Yu save mi from my trobols kon help mi defeat my enemies.