Psalms 20 - Holy Bible Nigerian Pidgin English

Prayer To Win

For Di Kwayamasta: David Song

¹ Wen yu dey for trobol, make God ansa yor kry for help. Make Jakob God name, save yu from all wahala.

² Make E kom help yu from en temple, den give yu pawa from Jerusalem.

³ Make E remember all di gifts wey yu gi-am, den favor yu, bikos of yor ofrins.

⁴ Make E do evritin wey yu wont and make yu prosper for evritin wey yu dey do.

⁵ Make wi shaut for joy wen wi hear viktory sound kon raiz awa banner wey dey show awa God name. Make God ansa all awa prayers.

⁶ Naw, I know sey God dey save di king wey E anoint. E ansa di king from en heaven wey dey holy kon save am with en great pawa.

⁷ Some nashon dey make mout and trust dia shariot and sojas, but na awa Oga God name wi take dey boast.

⁸ Doz nashon go fall skata for groun, but wi go raiz kon stand gidigba for groun.

⁹ God, make Yu give viktory to awa king kon ansa awa kry for help.