Psalms 130 - Holy Bible Nigerian Pidgin English

Prayer For Help

Solomon Song

¹ My God, I dey kry kom meet Yu with pain for my heart.

² My Oga God, make Yu listin and hear mi as I dey kry for mesi!

³ If to sey Yu, my God won kount all di sins wey pesin kommit, den na who go fit stand before Yu?

⁴ But Yu always dey ready to forgive so dat dem go honor Yu.

⁵ So, I put my hope for God hand, I trust am with my whole life and I dey wait for en word wey nor dey fail.

⁶ Di way I dey find God, sirious pass as gateman dey wait make day break. Yes o-o, e sirious pass as gateman dey do for morning.

⁷ So Israel pipol, make una put una hope for God hand, bikos God dey show en love and E always dey ready to save en pipol.

⁸ E go diliver Israel pipol from di wahala wey dem dey face, bikos of dia sins.