Jenesis 10 - Holy Bible Nigerian Pidgin English

Di Pipol For Di World

¹ Na dis bi family wey Noah shidren: Shem, Ham and Jafet born, afta di flood happen.

Jaflet Shidren

² Jafet shidren na Gomer, Magog, Madai, Javan, Tubal, Meshak and Tiras.

³ Gomer kon born Ashkenaz, Rifat and Togarmah.

⁴ Javan shidren na Elisha, Tarshish (wey bi Spain naw), Kittim pipol dem (wey bi Cyprus naw) and Dodanim pipol (wey bi Rhodes naw.)

⁵ Na dem bi di grand-grand papa to di pipol wey dey di land wey wota surround. Na dem bi Jaflet shidren-shidren.

Ham Shidren

⁶ Ham shidren na Kush, Mizraim, Put and Kanaan.

⁷ Kush shidren na Seba, Havilah, Sabtah, Rama and Sabteka. Rama shidren na Sheba and Dedan.

⁸ Kush na Nimrod papa, dis Nimrod kom bi warrior for di eart.

⁹ En na strong hunta for Oga God front. Dat na why dem dey sey, “Just like Nimrod wey bi strong hunta for God present.”

¹⁰ For di first time, en kingdom na Babel wey bi Babilon, Erek, Akkad and Kalneh wey dey Shinar land.

¹¹ From dat land, e kon go Assyria where e for build Nineveh, Rehobot, Kalah

¹² and Resen where dey di centre for Nineveh and di great town wey bi Kalah.

¹³ Mizraim (wey bi Egypt naw) shidren na Lud pipol (wey bi Lydia naw), Anam, Lehab, Naftuh,

¹⁴ Patrus, Kasluh (na from dem Filistia pipol from kom) and Kaftor pipol.

¹⁵ Kanaan shidren na Sidon wey bi en first pikin, Het,

¹⁶ Jebus, Amor, Girgash,

¹⁷ Hiv, Ark, Sin,

¹⁸ Arvad, Zemar and Hamat pipol. Leta, Kanaan family kon skata

¹⁹ and dia land kon wide from Sidon to Gerar go rish Gaza and from der to Sodom, Gomorrah, Admah and Zeboiim till e rish Lasha.

²⁰ Dis na Ham shidren akordin to dia family, dia language, lands and kountries.

Shem Shidren

²¹ Dem still born some sons give Shem (wey bi Jafet senior broda) and na Shem bi papa to all Eber sons.

²² Shem shidren na Elam, Asshur, Arfaxad, Lud and Mash.

²³ Aram shidren na Uz, Hul, Geta and Mash.

²⁴ Arfaxad na Shelah papa and Shelah na Eber papa.

²⁵ Eber get two sons: One name na Peleg, bikos na en time dem take divide di eart and en broda name na Joktan.

²⁶ Joktan shidren na Almodad, Shelef, Hazar-Mavet, Jerah,

²⁷ Hadoram, Uzal, Diklah,

²⁸ Obal, Abimael, Sheba,

²⁹ Ofir, Havilah and Jobab dem na Joktan sons.

³⁰ Where dem dey stay na from Mesha go rish Sefar for di hill for east.

³¹ Dis na Shem sons akordin to dia family, language, lands and kountry.

³² Dis na Noah family akordin to dia generashon, kountry and dia pipol kon full di eart afta di rain don fall finish.