Isaya 12 - Holy Bible Nigerian Pidgin English

Tanksgivin Song

¹ For dat time yu go sey: “Oga God, I praiz Yu, bikos Yu bin dey vex for mi, but naw, Yu dey konfort mi and Yu nor dey vex again.

² Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

³ As wota dey make pesin wey dey hongry for wota, happy, na so too I go happy wen God save mi.”

⁴ For dat time, yu go sey: “Make wi tank God! Make wi praiz en name! Make wi tell evribody about di tins wey E do! Make wi tell dem how God big and strong rish.

⁵ Make wi sing give God, bikos of di great tins wey E don do and make di whole world hear di news.

⁶ Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”