Génesis 10 - Beibel na Papiamentu Koriente 2013

Desendientenan di Noe

¹ Aki ta sigui e lista di e desendientenan di e tres yunan di Noe: Sèm, Ham i Yafèt. E desendientenan di Sèm, Ham i Yafèt a nase despues di diluvio.

² E yu hòmbernan di Yafèt tabata Gomèr, Magog, Madai, Yawan, Tubal, Mèshèk i Tiras.

³ E yunan di Gomèr tabata Ashkanaz, Rifat i Togarma.

⁴ E yunan di Yawan tabata Elisha, Tarsis, e kititanan i e rodanitanan.

⁵ Nan desendientenan a plama i a bai biba na kosta i riba e islanan; kada nashon i kada tribu a bai biba den su mes tera i tabatin su mes idioma.

⁶ E yunan di Ham tabata Kush, Egipto, Put i Kanaan.

⁷ Yunan di Kush tabata Seba, Hawila, Sabta, Rama i Sabteka. Esnan di Rama tabata Seba i Dedan.

⁸ Kush tabata tata di Nimrod, i Nimrod tabata e promé hòmber poderoso riba mundu.

⁹ Den bista di SEÑOR Nimrod tabata un gran yagdó. P'esei e dicho: ‘E ta un Nimrod, un gran yagdó den bista di SEÑOR.’

¹⁰ E promé siudatnan di su reino tabata Bábel, Erèk, Akad i Kalne, den region di Shinar.

¹¹ Ashur a sali for di e region akí i el a konstruí e siudatnan Nínive, Rehobot-Ir, Kalag

¹² i e siudat grandi Rèsèn, ku ta keda entre Nínive i Kalag.

¹³ Di Egipto a nase ludita, anamita, lehabita, naftugita,

¹⁴ patrosita, kasluhita i e kaftoritanan. For di e kaftoritanan e filisteonan a nase.

¹⁵ Kanaan tabata tata di Sidon, ku tabata su promé yu, i tata di Hèt.

¹⁶ Di Kanaan a nase e yebusita, amorita, guirgasita,

¹⁷ hiwita, arkita, sinita,

¹⁸ arwadita, semarita i e hamatitanan. Despues tur e famianan kanaanita a plama.

¹⁹ Frontera di e region kaminda e kanaanitanan tabata biba ta kore for di Sidon, pasa Guerar yega Gaza, sigui den direkshon di e siudatnan Sódoma, Gomora, Adma i Seboim, te Lèsha.

²⁰ Esakinan tabata desendiente di Ham. Kada nashon i tribu den su mes tera, ku su mes idioma.

²¹ Sèm, ku tabata ruman mayó di Yafèt, tambe tabatin yu. Tur e yunan di Ebèr tabata desendiente di Sèm.

²² E yunan di Sèm tabata Elam, Ashur, Arpakshad, Lud i Aram.

²³ E yunan di Aram tabata Us, Hul, Guètèr i Mas.

²⁴ Arpakshad tabata tata di Shèlag i Shèlag tabata tata di Ebèr.

²⁵ Despues Ebèr tabatin dos yu hòmber: un tabata yama Pèlèg. Tempu di Pèlèg, e hendenan a plama for di otro. E ruman di Pèlèg tabata yama Yoktan.

²⁶ Yoktan tabata tata di Almodad, Shèlèf, Hasarmawèt, Yèrag,

²⁷ Adoram, Uzal, Dikla,

²⁸ Obal, Abimael, Seba,

²⁹ Ofir, Hawila i Yobab. Tur esakinan tabata yu di Yoktan.

³⁰ Nan tabata biba den e region ku ta kore for di Mesa te Sefar, den e serunan di oriente.

³¹ Tur esakinan tabata desendiente di Sèm, kada nashon i kada tribu den su mes tera, ku su mes idioma.

³² Tur esakinan tabata famia di kada yu di Noe, segun nan desendensia i nan lugá di biba. For di nan a bini tur e nashonnan ku despues di diluvio a plama riba mundu.