۲-تھِسّلُنِیکوں 3 - پنجابی نواں عہد نامہ نظرثانی شدہ چھپائی

ساڈے لئی وی دُعا کرو

¹ سو بھراؤ! ساڈے حق اندر دُعا کرو۔ پئی خُدا دا کلام ایڈی چھیتی پھیل جائے۔ تے جلال پائے۔ جیویں تُہاڈے وِچ۔

² پُٹھے تے بُرے بندیاں توں بچے رہو۔ کیوں جو ساریاں وِچ اِیمان نئیں۔

³ پر خُدا وفادار اے اوہ تُہانوں مضبُوط رکھّے گا۔ تے اوس شریر توں تُہاڈی راکھی کرے گا۔

⁴ تے سانُوں تُہاڈے ولّوں خُداوند وِچ وساہ اے۔ پئی جیہڑے حُکم اسی تُہانوں دینے آں۔ تُسی اوہناں اُتّے عمل کر دے ہو تے کر دے وی رہو گے۔

⁵ تے خُداوند تُہاڈے دِلاں نُوں خُدا دی مُحبّت تے مسِیح دے صبر ولّ ہدایت کرے۔

کمّ کرنا فرض اے

⁶ ہُن بھراؤ! اسی اپنے خُداوند یِسُوع مسِیح دے ناں وِچ تُہانوں حُکم دینے آں پئی اجیہے ہر اِک بھرا توں بچے رہو۔ جیہڑا بے قاعدہ ٹُردا اے تے اوس روائت اُتّے عمل نئیں کر دا جیہڑی اوہنوں ساڈے ولّوں مِلی اے۔

⁷ کیوں جو تُسی آپ جان دے ہو پئی تُہانوں ساڈے نمونے اُتّے کِس طرح ٹُرناں چاہیدا اے۔ ایس لئی پئی اسی تُہاڈے وِچ بے قاعدہ نئیں ساں ٹُردے۔

⁸ تے نا کِسے دی روٹی مُفت کھاندے ساں سگوں محنت مُشقّت نال دِنے راتِیں کمّ کر دے ساں تاں جو تُہاڈے وِچوں کِسے اُتّے بھارُو نا ہوئے۔

⁹ ایس لئی نئیں پئی سانُوں اختیار نئیں سی۔ پر ایس واسطے پئی اسی اپنے آپ نُوں تُہاڈے لئی نمونہ بنایئے تاں جو تُسی ساڈے وانگر بنو۔

¹⁰ جد اسی تُہاڈے کول ساں اساں تُہانوں ایہہ حُکم دِتّا سی پئی جیہڑا کمّ نا کرے اوہنوں کھانا وی نا مِلے۔

¹¹ کیوں جو اسی سُننے آں۔ پئی تُہاڈے وِچوں بعضے بے قاعدہ ٹُردے نیں تے کوئی کمّ نئیں کر دے۔ سگوں ہورناں دے کمّ وِچ ہتّھ پاندے نیں۔

¹² ہُن اجیہاں نُوں اسی خُداوند یِسُوع مسِیح وِچ حُکم دیندے تے نصِیحت کرنے آں۔ پئی چُپ چاپ کمّ کر کے اپنی ای روٹی کھاؤ۔

¹³ تے تُسی بھراؤ! نیک کمّ کرن وِچ تھک نا جاؤ۔

¹⁴ تے جیہڑا ساڈے ایس خط دی گلّ نا مَنّے اوہدے ولّ خیال رکھو۔ اوہدے نال نا بَہو نا کھلو۔ تاں جو اوہ شرمندہ ہوئے۔

¹⁵ اوہنوں وَیری نا سمجھو سگوں بھرا سمجھ کے نصِیحت کرو۔

اخِیری گلّاں

¹⁶ ہُن تسلّی دا خُداوند آپے تُہانوں ہمیشہ تے ہر طرح نال تسلّی بخشے۔ خُداوند تُہاڈے سبھناں نال رہے۔

¹⁷ مَیں پَولُس اپنے ہتّھ نال سلام لِکھناں آں۔ ہر خط وِچ میری ایہو نشانی اے۔ مَیں ایسے طرح لِکھنا ہُناں آں۔

¹⁸ ساڈے خُداوند یِسُوع مسِیح دا فضل تُہاڈے سبھناں اُتّے ہوئے۔